बेलायतमा दोस्रो पटक राष्ट्रव्यापी लकडाउन घोषणा – Dastabej

बेलायतमा दोस्रो पटक राष्ट्रव्यापी लकडाउन घोषणा


  • नवीन पोखरेल, ईकान्तिपुरबाट

  • लन्डन — कोरोना भाइरस संक्रमण वृद्धि तीव्र हुँदै गएपछि नियन्त्रण प्रयासस्वरुप बेलायतम एक महिना लामो लकडाउन घोषणा भएको छ । बेलायतमा दोस्रोपटक राष्ट्रव्यापी लकडाउन घोषणा भएको हो ।
    झण्डै ४ साता लामो लकडाउन डिसेम्बर २ सम्म कायम रहनेछ । नयाँ नियम लागू भएपछि मानिसहरु विशेष कारणवश जस्तै शिक्षा, जागिर र खाद्यान्न किनमेलका लागिमात्र बाहिर निस्कन पाउनेछन् ।
    ब्रिटिस सरकारले गत २३ मार्चमा पहिलो लकडाउन घोषणा गरेको थियो । प्रधानमन्त्री जोन्सनले आ आफ्नो घरमै बसेर राष्ट्रिय स्वास्थ्य सेवा (एनएचएस) र मानिसहरुको ज्यान बचाउन अपिल गरेका छन् । उनले दोश्रो लकडाउनको विकल्प नभएको बताउँदै यदि अहिले सशक्त कदम नचालिए जाडोयाममा धेरैले ज्यान गुमाउने खतरा पनि औंल्याए ।

    नयाँ लकडाउनमा अत्यावश्यकबाहेक सबै रिटेल पसल बन्द रहने छन् । फरक घरका मानिसहरुसँग जमघट गर्न प्रतिवन्ध लगाइएको छ । हस्पिटालिटी क्षेत्र अन्तर्गत पब, बार रेस्टुरेन्ट बन्द रहनेछन् । तर तिनलाई टेकवे र डेलिभरी सेवा गर्न भने छुट छ ।
    मनोरन्जनस्थल, रिक्रियसन सेन्टर (जिम), हेयर ड्रेसर, नङ बनाउने सलुन, कपडा तथा विद्युतीय सामग्रीका पसल सबै बन्द हुनेछन् । शारिरीक अभ्यासका लागि बाहिर निस्कन दिइने छ ।
    सर्वसाधारणलाई ‘स्टे होम’ (घरमै बस्न) र आफ्नो क्षेत्रभन्दा बाहिर यात्रा नगर्न आह्वान गरिएको छ । जोखिममा रहेका र ७० वर्षभन्दा माथि उमेरका वृद्धवृद्धालाई बढी सतर्क रहन भनिएको छ । अन्य घरका एक जनासम्मलाई आउटडोर (घर बाहिर) भेट्न छुट दिइएको छ । मानिसहरुलाई काम विशेषका लागि अन्तर्राष्ट्रिय यात्रा गर्न दिइएको छ तर होलिडे मनाउन अन्य मुलुक जान प्रतिबन्ध लगाइएको छ । दोश्रो लकडाउनमा स्कुल, कलेज र विश्वविद्यालय भने बन्द नगराइने भएको छ । घरैबाट काम गर्न नमिल्ने अवस्थामा कामका लागि कार्यालय जान सकिनेछ । विशेषगरी उत्पादन र निर्माणको काम गर्ने कामदारका लागि बाहिर निस्कन छुट छ । ठूला सुपरमार्केट खुला रहनेछन् । सरकारले ८० प्रतिशत ज्याला दिने ‘फर्लो स्किम’ भने नोभेम्बरभर बढाइएको छ । यसअघि अक्टोबर अन्त्यमा उक्त स्किम सकिँदै थियो । बेलायतमा पछिल्लो समय संक्रमण बढ्दै जाँदा क्षेत्रगत रुपमा टियर वान, टु, थ्री गरि फरक तहका प्रतिबन्ध लागू गरिएको थियो । शनिबार मात्रै बेलायतमा कोभिड-१९ संक्रमित संख्या १० लाख ११ हजार नाघेको छ । विगत एक सातायता बेलायतमा दैनिक सरदर २३ हजार कोरोना संक्रमित थपिएका छन् । शनिबार ३ सय २६ जनाको मृत्यु भएसँगै बेलायतमा कोरोनाबाट मृत्यु हुनेको कुल संख्या ४६ हजार ५ सय ५५ पुगेको छ जुन युरोपमै सबैभन्दा बढी हो ।
    बेलायत सरकारका वैज्ञानिक सल्लाहकारहरुले थप कडाइ नगरे डिसेम्बर सुरुतिरै अस्पतालका श्य्याहरु भरिने चेतावनी दिएका थिए ।
    बीबीसीले प्राप्त गरेको एक दस्तावेजमा थप प्रतिबन्ध लागू नगरिए यहाँ अघिल्लोपटक भन्दा धेरै मानिसको मृत्यु हुने बताइएको थियो । उक्त दस्तावेजमा अहिलेकै अवस्था रहे दैनिक मृत्युदर ४ हजारभन्दा बढी हुनसक्ने उल्लेख छ । वैज्ञानिक सल्लाहकारहरुको समूह ‘सेज ग्रुप’ ले जाडो यामका बेला बेलायतमा कम्तीमा ८५ हजार मानिस मर्न सक्ने अनुमान गरेको छ ।

  • १६ कार्तिक २०७७, आईतवार ०८:२५ प्रकाशित

  • Nabintech
  • १. मृत भेटिएकी छात्राको मोबाईलमा प्रिन्सपलको एसएमएस, बिद्यालयमा ढुंगामुढा, प्रिन्सपल पक्राउ
  • २. न्याय खोज्दै नेपालगन्जबाट २० दिन हिँडेर काठमाडौं पुगे बाँकेका महिला
  • ३. दिप ज्योतीका प्रिन्सपल पाण्डेबिरुद्ध आत्मा हत्या दुरुत्साहन मुद्दा दर्ता
  • ४. छात्रा ऐलिसा मृत्यु प्रकरणः प्रिन्सपललाई कारवाहीको माग गर्दै बिद्यालय घेराउ (भिडियो)
  • ५.  बाघको आक्रमणले आँखा गुमाएका बर्दियाका भदैलाई हलिउड अभिनेता लियोनाद्रो  डिक्याप्रियोको चस्मा
  • ६. २० दिन हिडेर काठमाडौं पुगेकी रुबीलाई २४ घण्टाभित्र उपस्थित गराउन प्रहरीलाई सर्वोच्चको आदेश
  • ७. नेपालिहरुलाई सताउंने १०जना नेपालगन्ज नाकाबाट पक्राउ