नेपालगन्ज— बाँकेको खजुरा गाउँपालिकास्थित प्राथमिक स्वास्थ्य केन्द्रलाई स्तरोन्नती गरी १५ शैयाको अस्पताल निमार्ण गरिने भएको छ । अस्पताल निमार्णका लागि गत भदौ २४ गते बसेको मन्त्री परिषदको निर्णय गरेको हो । त्यसका लागि अर्थ मन्त्रालयबाट रकम निकासा भइसकेको छ । स्वास्थ्य तथा जनसंख्या मन्त्रालयले तत्काल अस्पताल निमार्णको काम सुरु गर्न पत्राचार गरेपछि पालिकाले जग्गा सर्बेको काम सुरु गरिसकेको पालिका प्रमुख किस्मतकुमार कक्षपतिले बताए । उनले निर्धारित समयमै अस्पताल निमार्णको काम सम्पनन हुने जनाए । यसअघि खजुराबासीहरुकै पहलमा सुशील कोइराला प्रखर अस्पताल निमार्णभएको भई सन्चालनमा आईसकेको छ ।
