पूर्वसभामुख महरालाई पत्नि शोक

काठमाडौं पूर्वसभामुख कृष्णबहादुर महरालाई पत्नी शोक परेको छ । काठमाडौंको नर्भिक अस्पतालमा उपचारको क्रममा पुर्ब सभामुखकी पत्नी सीता महराको बुधबार बिहान साढे बजे निधन भएको नेकपाका केन्द्रीय सदस्य बिष्णु रिजालले सामाजिक सन्जाल मार्फत सार्वजनिक गरेका छन् । उनको पीसीआर परीक्षण गर्दा रिर्पोट पोजेटिभ देखिएको थियो ।
शरीरमा अक्सिजनको मात्रा एक्कासी घटेपछि र निमोनिया पनि देखिएपछि उनलाई १४ गते नर्भिक अस्पतालमा भर्ना गरिएको थियो । नर्भिक अस्पतालमा पीसीआर टेष्ट गर्दा उनमा कोरोना पोजेटिभसमेत देखिएको थियो । स्वास्थ्य अवस्था जटिल बनेपछि भेन्टिलेटरमा राखेर उपचार गर्ने क्रममै निधन भएको छ ।