प्रिय कर्याङ्कुरुङ – Dastabej

प्रिय कर्याङ्कुरुङ


  • सागर गैरे

  • तिम्रो हल्ला हो कि
    सल्लाह सुनेर
    हाम्रा पूर्खाले तिम्रो नाम
    कर्याङ्कुरुङ राखिदिए ।
    तिमिहरु उड्दा
    माला जस्तै गोलो आकार बनाएको देखेर
    तिम्रो नाम मालचरी राखिदिए
    तिम्रो आगमनलाई
    हिउँदको

    मान्छेले राखिदिएका यी बिचित्रका नाम
    तिमिलाई मन पर्छ , पर्दैन ?
    तिम्रो आवाज र तिम्रो उडान देखेर
    मेरा पूर्खाले राखिदिएको तिम्रो नाम ।
    तिमी हाँस हौ
    मैले गाँउघरमा
    देखेका हाँसहरु हिलो उधिन्दै
    दिनभर धमिलो पानीमा
    रमाएका हुन्छन ।
    तिम्रो शानदार उडान
    देखेर म घोरिन्छु
    तिम्रै प्रजातिका यी हाँसहरु
    तिमिहरुबाटै छुटेको
    हराएको कुनै कालखन्डको
    एउटा झुण्ड थियो होला
    जसले बिर्सिए आफ्नो गौरब र संघर्ष ।

    प्रिय मालचरी
    फेरि सरद आयो
    तिम्रो तयारी कस्तो छ ?
    आउछौ नि हैन यसपाली पनि ?
    म मेरा छोरा छोरिहरुलाई
    तिमिलाई देखाएर
    प्रकृति बुझाउनु छ
    आप्रसन सम्झाउनु छ
    जिन्दगी महत्व र सँघर्ष
    सिकाउनु छ ।

    उनिहरु बिज्ञान पढ्छन
    पाईलट बन्न चाहन्छन
    ईन्जिनियर बन्न चाहन्छन
    तिमिले सिकाईदिनु
    मौसम कसरी बदलिन्छ
    साईत कसरी निकालिन्छ
    नेता कसरी चुनिन्छ
    भोक के हो ?
    थकाई के हो ?
    आफ्नो समूह र पराई को हो ?

    प्रिय मालचरी
    बर्षात बाट बच्दै
    चील र बाज बाट जोगिदै
    आँधिबाट अबिचलित रहँदै
    कसले शुरु गर्यो होला ?
    हिमाल माथिबाट उड्ने यो डरलाग्दो खेल
    मालचराको कोलम्बस को होला ?
    जसले पत्ता लगायो
    जाडो छल्ने र आहारा खोज्ने
    यस्तो जुक्ती
    अनि
    हामी भुईजिबी घमन्ड गर्छौ ।

    पृथ्बी गोलो छ भन्ने कुरा तिमिहरुले
    कति हजार बर्ष पहिले पत्ता लगायौ होला ?
    गुरुत्व के हो ?
    तारा र जुनको भाषा के हो ?
    उत्तर र दक्षिण कसरी छुट्ट्याउने ?
    माछालाई कसरी सम्मोहित गर्ने ?
    प्रजननको लागि ठाउँ रोज्ने ?
    अनि लालाबाला हुर्काएर
    कसरी फिर्ता जाने
    तिमिहरुको जिबनसँघर्षलाई
    सलाम छ ।

    प्रिय कर्याङकुरुङ
    तिम्रो बाटो कुर्दै बसेका छौ ।
    दिनको ब्यस्ततामा होस वा
    रातको निरबतामा किन नहोस
    तिम्रो जोडजोडको आवाज सुनेर
    मलाई देखाउनु छ
    तिम्रो आप्रसन
    मेरा छोरा छोरिहरुलाई
    र भन्नू छ उनिहरुलाई
    यो पृथ्बी तिमिहरुको पनि हो ।
    जसरी म सानो छँदा मेरो बा
    मलाई कर्याङ्कुरुङ
    देखाएर सम्झाउनुहुन्थ्यो ।

  • २१ कार्तिक २०७७, शुक्रबार १५:३२ प्रकाशित

  • Nabintech
  • १. गैडाकोट दुर्घटनाः बर्दिया बाँसगढीका एक दम्पत्तीका श्रीमतिको मृत्यु, श्रीमान गम्भीर, यस्तो छ घाईतेको नाम र स्वास्थ्य अवस्था
  • २. कर्मचारीकै मिलोमतोमा नेपालगन्ज भन्सारमा राजस्व छलीः ७ हजार पर्ने समानको मुल्य १००, कारवाहीबाट जोगिन अर्थ मन्त्रालयसम्म दौडधुप
  • ३. नेपालगन्जस्थित ज्योति लाइफ इन्सुरेन्सका एरिया सेल्स म्यानेजर माझीले गरे ‘बलात्कार’को प्रयास, मुद्दा चल्यो अभद्र व्यवहार
  • ४. ”मृत शिशु साटिएको” भन्दै भेरी अस्पतालमा रातभरी विवाद, आज छलफल हुँदै
  • ५. बर्खामा किरननालाको किन भत्काइयो पुल ? गाडी चल्न बन्द, स्थानीयलाई सास्ती
  • ६. सावधान, बाँकेको पुर्बी गाभरमा मंगलबार पनि देखियो बाघ
  • ७. अब नेपालगन्जमा पनि डान्स बार र मसाज पार्लर