रुकुम पश्चिमको आठबीसकोटमा निषेधाज्ञा – Dastabej

रुकुम पश्चिमको आठबीसकोटमा निषेधाज्ञा


  • मनोज डांगी

  • रुकुम पश्चिमको आठबीसकोट नगरपालिका शुक्रबार दिनभर तनावग्रस्त भएपछि निषेधाज्ञा जारी गरिएको छ । सत्तारुढ नेपाल कम्युनिष्ट पार्टी नेकपा र नेपाली कांग्रेस पक्षबीच झडपको स्थिति सिर्जना भएपछि झडप रोक्न प्रशासनले केही वडामा निषेधाज्ञा जारी गरेको हो। जिल्ला प्रशासन कार्यालयले शुक्रबार बेलुका ६ बजेदेखि अर्को सूचना नआउञ्जेलसम्मका लागि निषेधाज्ञा लगाएको जनाएको छ । शुक्रबार प्रशासन ले एक सूचना जारी गरेर आठबीसकोट नगरपालिकाका ९, १०, ११ र १२ नम्बर वडाको सम्पूर्ण क्षेत्र निषेधाज्ञा गरिएको जनाएको छ । कोरोना भाइरसको सङक्रमण बढ्दै गएको र त्यही क्षेत्रमा केही समूहबाट भेला हुने तथा अवाञ्छित गतिविधि गरी शान्ति भङ्ग गर्ने, हुलदङ्गा गर्ने, अशान्ति सिर्जना गर्न खोजेकाले निषेधाज्ञा लगाइएको प्रमुख जिल्ला अधिकारी बद्रिनाथ गैह्रेले द्धारा जारी गरिएको सूचनामा उल्लेख गरिएको छ । नगरपालिकाको ९ नम्बर वडा राडी बजारमा बिहीबारदेखि नै नेकपा र नेपाली कांग्रेस निकट युवाहरु भेला भएर झडपको प्रयास गरिरहेका छन्, यही कारण दिनभर राडी बजारमा तनाव भएको थियो । दुवै पक्षका युवाहरु बन्चरो, खुकुरी, हँसिया, तरबारलगायतका घरेलु हतियारसहित क्याम्प खडा गरेर बसेको स्थानीयले बताएका छन् ।त्यस्तै दुवै पक्षले झडपको कारण एक–अर्का भएको आरोप लगाउँदै आएका छन् । दुवै पक्षको राजनीतिक प्रतिशोधका कारण स्थानीयवासीहरुको शान्तिपूर्वक बस्न नपाएको गुनासो छ । झडपको स्थिति आएपछि प्रहरीले जिल्लाबाट थप प्रहरी पठाएको जनाएको छ । आठबीसकोट क्षेत्रमा बेलाबेला नेकपा र कांग्रेस निकट युवाहरु बीच झडप हुँदै आएको छ ।

  • २२ कार्तिक २०७७, शनिबार ०९:३५ प्रकाशित

  • Nabintech
  • १. मृत भेटिएकी छात्राको मोबाईलमा प्रिन्सपलको एसएमएस, बिद्यालयमा ढुंगामुढा, प्रिन्सपल पक्राउ
  • २. न्याय खोज्दै नेपालगन्जबाट २० दिन हिँडेर काठमाडौं पुगे बाँकेका महिला
  • ३. दिप ज्योतीका प्रिन्सपल पाण्डेबिरुद्ध आत्मा हत्या दुरुत्साहन मुद्दा दर्ता
  • ४. छात्रा ऐलिसा मृत्यु प्रकरणः प्रिन्सपललाई कारवाहीको माग गर्दै बिद्यालय घेराउ (भिडियो)
  • ५.  बाघको आक्रमणले आँखा गुमाएका बर्दियाका भदैलाई हलिउड अभिनेता लियोनाद्रो  डिक्याप्रियोको चस्मा
  • ६. २० दिन हिडेर काठमाडौं पुगेकी रुबीलाई २४ घण्टाभित्र उपस्थित गराउन प्रहरीलाई सर्वोच्चको आदेश
  • ७. नेपालिहरुलाई सताउंने १०जना नेपालगन्ज नाकाबाट पक्राउ