बर्दिया— नेपालगन्ज—गुलरीया हुलाकी राजमार्गको बढैयाताल गाउँपालिका ८ पचासा नजिक शनिबार राति करिब ८ बजे सडक दुर्घटना हुँदा एक दम्पतीको मृत्यु भएको छ । पूर्व नेपालगन्जबाट गुलरियातर्फ गैगरेको भे ३ प ७८७० को मोटरसाइकल र काठ लिएर नेपालगन्ज तर्फ जाँदै गरेको भे १ त ५०९९ को ट्रयाक्टर ठुक्कर खाँदा २५ वर्षीय अर्जुन रिमाल र २३ वर्षीय ललिता रिमालको मृुत्यु भएको बर्दिया ट्राफिक प्रहरी प्रमुख प्रहरी नायब निरीक्षक लोकेन्द्रबहादुर मल्लले जनाए । दुर्घटनामा गम्भीर घाइृते भएका रिमाल दम्पतिलाई उपचारको लागि नेपालगन्ज लगिएको थियो । तर उपचारकै क्रममै दुबैको ज्यान गयो । बर्दिया प्रहरीका अनुसार ट्रयाक्टर र चालकलाई नियन्त्रणमा लिई घटना अनुसन्धान भइरहेको प्रहरीले जनाएको छ ।
१४ जेष्ठ २०८०, आईतवार । 2023/05/28
