नेपालगन्जमा एकै दिन बर्दियाका तीन कोरोना संक्रमितको मृत्यु

नेपालगन्जका अस्पतालमा उपचारार्थ भर्ना भएका बर्दियाका तीन जनाको कोरोना संक्रमणबाट मृत्यु भएको छ । कोभिड १९ जिल्ला संकट व्यवस्थापन बाँकेका अनुसार मृत्यु हुनेमा ठाकुरबाबा, बाँसगढीका एक, राजापुर एक र ठाकुरबाबा नगरपालिकाका एक जनाको मृत्यु भएको छ । सोमवार राती सवा ८ बजे बाँसगढी नगरपालिका वडा नम्वर ८ का ३५ बर्षीय पुरुषको उपचारका क्रममा बेष्टर्न अस्पताल नेपालगन्जमा मृत्यु भएपछि आफन्तहरुले विरोध जनाएका छन । खुट्टाको जोर्नीमा समन्या समस्या भएपछि आइतवार अस्पताल भर्ना भएका उनको मृत्यु भएको हो । सोमबार बेलुकी उनको कोरोना रिपोर्ट पोजेटिभ आएको थियो । बर्दियाको राजापुर नगरपालिका वडा नम्वर ८ का ३२ बर्षीय पुरुषको कोरोनाका कारण मंगलबार बिहान ११ बजे मृत्यु भएको छ । उनी स्वास्थ्यकर्मी हुन । बर्दियामा कोरोनाका कारण मृत्यु हुनेको संख्या १० पुगेको स्वास्थ्य कार्यालय बर्दियाले जनाएको छ ।