नेपालगन्ज— मखमली फुल्दा, मार्सी धान झुल्दा
बहिनी आउने छिन..
फूल त मखमली फूल, अँगानीको दिलमै
रुन्छिन उनी दिदी… पर्देशी भाईको यादमा ।
मखमली फूल फुल्यो, ढपाक्कै…..
भमरा फूलमा रमाए जस्तै …..।
फूल झै फुलेको मेरो यो जीन्दगी…… ।
भाई टिकाका दिन दाजुभाई र दिदिबहिनीले एकअर्कालार्ए आर्गेनिक फूलहरु लगाई दिने दिन अब गीतमै समिति भइसक्यो । । बासनाबिनाको फूलले बजार कब्जा गरिसक्यो । तर देउसी भैलोखेल्दा अहिले नि ‘अैहो मखमली माला’ भन्दै भट्याईन्छ । फुलको मालालाई लिएर तिहारका सयौं गीत बजिरहेका छन् । भाई टिकाका दिन दिदिबहीनी र दाजभाईले मखमली लगायतका फूलको माला लगाई दिएर आर्शिबाद दिन्छन्, लिन्छन् । तर पश्चिम तराईमा भने बसानाबिना (कागज र प्लास्टिक) का फूलहरुले स्थान पाउँदै गएको छ । व्यवसायिक खेती नगरिएका कारण कागजका फूलले बजार पाउँदै गएको हो । प्लास्टिक छिटै नसड्ने भएकाले लामो समयसम्म फोहोर रहन्छ । यो वर्षको तिहारमा पनि नेपालगन्जका बजारभरी प्लास्टिकका फूलहरु बिक्रीका लागि राखिएका छन् । सर्वसाधारणहरुले त्यही बासनाविनाका फूल किनिरहेका देखिन्छन् ।
‘बजारमा मखमली, गेंडा लगायतका फूलका माला बजारमा किन्न पाईदैन । त्यसैले काम चलाउका लागि प्लास्टिक माला किनेको छु,’ नेपालगन्जका नेहा शर्माले भनिन्,‘मखमलीको माला त झन पाउँदै पाउँदैन ।’ बाँकेमा अझै पनि व्यवसायिक फूलका् खेती हुन सकेको छैन । ठूला कार्यक्रमहरु गरिंदा काठमाडौं र भारतबाट फूलको माला मगाउने गरिन्छ ।
कृषि ज्ञान केन्द्र नेपालगन्जका प्रमुख सागर ढकालले बाँकेका दुई जना किसानले फूलको खेति सुरु गरेको बताउँछन् । कोहलपुर र राँझाका दुई जनाले करिव डेढ कठ्ठा जग्गामा खेति गरिरहेको उनले जनाए । ‘बाँकेमा भर्खरै फूलको खेति सुरु भएको छ । व्यवसायिकरुपमा भइसकेको छैन ।
