चीनमा खुल्न थाल्याे सिनेमाघर, कुल क्षमताकाे ३० प्रतिशत मात्रै दर्शक राख्न पाउने – Dastabej

चीनमा खुल्न थाल्याे सिनेमाघर, कुल क्षमताकाे ३० प्रतिशत मात्रै दर्शक राख्न पाउने


  • दस्तावेज

  • चीनमा झण्डै ६ महिनापछि सिनेमाघर फेरि खुल्न थालेका छन् । कोरोना भाइरस सङ्क्रमण फैलनबाट रोक्न गरिएको लकडाउनबाट पहिलेको अवस्थामा फर्कने क्रममा चीनले सिनेमाघर पनि खुला गरेको बीबीसीले जनाएको छ ।

    चिनियाँ चलचित्र प्रशासनले कम जोखिम भएका ठाउँहरुमा सिनेमाघर खोल्न अनुमति दिएको हो । चीनका धेरैजसो ठाउँलाई कम जोखिम भएका क्षेत्रका रूपमा वर्गीकरण गरिएका कारण देशभरिका सबै सिनेमाघर खुल्ने छन् ।

    गएको जनवरी महिनामा सुरु भएको लकडाउनले चीनका सिनेमाघर नराम्ररी प्रभावित भएका र केही स्थायीरूपमा नै बन्द भइसकेका छन् । खुल्ने सिनेमाघरले कुल क्षमताको ३० प्रतिशतमात्रै दर्शक राख्नुपर्ने र पहिले देखाउने गरेको भन्दा आधा सङ्ख्यामा मात्रै चलचित्र देखाउन पाइने कडा नियम पालना गर्नु पर्नेछ ।

    दर्शकको शरीरको तापक्रम नापिने छ र दर्शक र सिनेमाघरका कर्मचारी सबैले अनिवार्य मास्क लगाउनु पर्नेछ । नयाँ सुरक्षा नियममा सिनेमाघरमा खानेकुरा र पेय पदार्थ बेच्न पाइने छैन ।

    सन् २०१९ मा चीनको चलचित्रको बजार नौ अर्ब डलरभन्दा बढी रहेको थियो । चीनभरि ६ सयभन्दा बढी सिनेमाघर रहेका छन् ।

    कोरोना भाइरसको सङ्क्रमण फैलिन सुरु भएकाे चीनमा ८३ हजार ६ सय ८२ जनामा कोरोना भाइरसकाे सङ्क्रमण भएकोमा चार हजार ६ सय ३४ जनाको ज्यान गएको छ । ७८ हजार सात सय ९९ जना उपचारपछि निको भएका छन् र अहिले दुई सय ४९ जना सक्रिय सङ्क्रमित रहेका छन् ।

  • ६ श्रावण २०७७, मंगलवार २३:१९ प्रकाशित

  • Nabintech
  • १. बांकेमा बाबुद्वारा आफ्नै छोराको धारिलो हतियार प्रयोग गरि हत्या
  • २. मानखोलाको जंगलबाट चरेस सहित ३ जना पक्राउ
  • ३. अस्पतालमा किन हुन्छ कोरोना विरामीको बढी मृत्यु ?
  • ४. लखेटीलखेटी आक्रमण,नर्सहरु एक तलाको झ्यालबाट हाम फाले
  • ५. कोहलपुरमा धाराबाट आफै बग्थ्यो पानी, चुरे विनासपछि सुक्यो धारा र खानेपानी
  • ६. आँखै अगाडि छटपटिएर मृत्यु भएको देख्दा रुन्छन् कोरानाका विरामी र कुरुवा
  • ७. बिद्रोह गर्दा कमैयामाथि जमिन्दारले बर्साउँथे गोली, खलियानमा गरिएको थियो महिलासहित ६ को हत्या
  • ८. बाँके, बर्दियाका कुन नदीमा कति बाढी ?
  • ९. बाँकेमा संक्रमण घट्यो, संक्रमण चेन टुटेन,फेरि संक्रमण फैलिने चिकित्सकहरुको चिन्ता
  • १०. गणतन्त्रको १३वर्षः कम्रेडहरुले बिर्से बलिदानी दिएको गाउँ