बिपि चोकमा रहेको कपास गोदाममा भीषण आगलागी (तस्वीर सहित)

नेपालगन्जको बिपी चोकमा रहेको एक कपास गोदाममा भीषण आगलागी भएको छ । आइतबार राती ८ बजे उक्त गोदाममा आगलागी सुरु भएको हो।बिपि चोक स्थित मोहम्मद हुसेनद्वारा संचालित न्यु स्टार सिरक सप्लायर्सको कपास गोदाममा आगलागी हुँदा अहिले बाँके र बर्दियाका दमकलहरुले आगलागी नियन्त्रण प्रयास गरिरहेको बाँके प्रहरीले जानकारी दिएको छ। आगलागी स्थलमा बाँकेका प्रमुख जिल्ला अधिकारी राम बहादुर कुरुम्बाङ, बाँके प्रहरी प्रमुख ओमबहादुर राना,नेपाली सेनाका सह-सेनानी केशब राज ओली, सशस्त्र प्रहरीका अधिकृतहरु आगलागी नियन्त्रणमा सक्रिय भुमिका निभाईरहेका छन् । आगलागी नियन्त्रणका लागि अहिले व्यापक रुपमा अग्नि नियन्त्रक लागि परेका छन् । चाडोभन्दा चाडो आगो नियन्त्रणमा ल्याउने प्रहरीले जानकारी दिएको छ। आगलागीबाट भएको क्षतीको विवरण सोमबार सम्म आउने छ।