कोरोना संक्रमणबाट दाङका पुरुषको भेरी अस्पताल नेपालगन्जमा उपचारका क्रममा मृत्युु

कोरोना संक्रमणबाट दाङका पुरुषको भेरी अस्पताल नेपालगन्जमा उपचारका क्रममा मृत्युु भएको छ । घोराही उपमहानगरपालिका वडा नम्बर १५ का ७५ वर्षीय पुरुषको आज विहान १०.२० मा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । उनको केही समय अगाडि मुटुको भल्भको अपरेशन गरिएको थियो । स्वास्थ्यमा समस्या आएपछि कार्तिक २६ गते नेपालगन्ज मेडिकल कलेजमा भर्ना भएका उनको कोभिडको आशंकामा स्वाब परिक्षण गर्दा २७ गते कोरोना पुष्टि भएको थियो । त्यस पश्चात् कार्तिक २७ गते नै उनलाई भेरी अस्पतालमा लगिएको थियो । यो संगै बाँकेमा उपचारका लागि आएका बाहिरी जिल्लाका ३९ जना कोरोना संक्रमितको मृत्यु भएको छ ।