रुकुम पश्चिमका चार स्थानीय तहले आफ्नै लगानीमा अस्पताल निर्माण गरे – Dastabej

रुकुम पश्चिमका चार स्थानीय तहले आफ्नै लगानीमा अस्पताल निर्माण गरे


  • मनोज डांगी

  • रुकुम पश्चिम— रुकुम पश्चिमका चार स्थानीय तहले आफ्नै लगानीमा अस्पताल निर्माण गरेका छन् । जिल्लाको आठबीसकोट नगरपालिका र चौरजहारी नगरपालिकासहित सानीभेरी गाउँपालिका र त्रिवेणी गाउँपालिकाले अस्पताल सञ्चालनमा ल्याएका हुन् । जिल्लामा पहिलोपटक आठबीसकोट नगरपालिकाले ०७५ असोज १२ गतेदेखि नगर अस्पताल सञ्चालनमा ल्याएको थियो । वडा नं ९ को राडीस्थित स्वास्थ्यचौकीलाई नगर अस्पतालमा स्तरोन्नति गरिएको हो । २५ शैयाको अस्पताल बनेपछि स्थानीयले ३ वर्षदेखि चिकित्सकीय सेवा पाइरहेको नगर उपप्रमुख गीता नेपालीले बताईन । हाल आठबीसकोट नगर अस्पतालमा दैनिक १ सयसम्म बिरामीको उपचार भइरहेको छ । दैनिक १० जना बिरामी इमर्जेन्सीमा भर्ना हुने गरेको अस्पताल प्रमुख मणिराज शाहले बताए । उनका अनुसार अस्पतालमा डिजिटल एक्स–रे सेवाका एक, आईसीयू, चार, जिटल मोनिटर सहितका शैया छन् । साथै फार्मेसी, ल्याब र प्रसूति सेवा पनि नियमित प्रवाह भइरहेको उपप्रमुख नेपालीले बताईन । सानीभेरी गाउँपालिकाले ०७६ फागुन १ गतेदेखि अस्पताल सञ्चालनमा ल्याएको थियो । ७ नम्बर वडाको छोटेबगरमा चिकित्सकसहित १८ स्वास्थ्यकर्मीले चौबीसै घण्टा उपचार गरिरहेको गाउँपालिकाका स्वास्थ्य संयोजक छविलाल केसीले जानकारी दिए । उनका अनुसार अस्पतालमा दैनिक ४० देखि ५० जना बिरामी आउँछन् । अस्पतालको संरचनाअनुसार अहिले १० शैया उपलब्ध छ । चौरजहारी नगरपालिकाले पनि शहीद स्मृति नगर अस्पताल सञ्चालनमा ल्याएको छ । वडा नं १० को शहीद स्मृति मैदानमा एक साताअघि ५ शैयाको अस्पताल सञ्चालनमा ल्याइएको हो । अस्पतालमा चिकित्सकसहित २२ स्वास्थ्यकर्मीले उपचार सेवा प्रदान गर्दै आएका छन् । त्रिवेणी गाउँपालिकाले ग्राम अस्पताल सञ्चालनमा ल्याएको छ । वडा नं ३ का खारानेटामा अस्पताल सञ्चालन भइरहेको हो । नयाँ भवन बनेपछि चिकित्सकीय सेवासहितको अस्पताल सञ्चालनमा ल्याउने तयारी गरेको गाउँपालिकाले जनाएको छ ।

  • ४ मंसिर २०७७, बिहीबार ०७:३८ प्रकाशित

  • Nabintech
  • १. संयोग कि अन्धबिश्वास ? ‘गुरुवाको तन्त्रमन्त्रपछि राप्ती सोनारीमा रोकियो बाघको आतंक ’
  • २. चार दिनदेखि बाघले गरेन राँगाको शिकार, नियन्त्रणको प्रयास भयो बेकार
  • ३. ब्रेकिङ न्युजः बाघलाई खुर्पाले प्रहार गरी महिला बाँच्न सफल (भिडियो)
  • ४. खजुरा घुम्न गएकी १८ वर्षीया किशोरीमाथि बलात्कार
  • ५. बाँके प्रहरीद्धारा खजुरा बलात्कार घटना सार्वजनिक
  • ६. राप्तीसोनारीको जङ्गल राजमार्गमा लुटपाट गर्न खोज्ने ६ पक्राउ
  • ७. नेपाल आयल निगमको भैरहवापछि नेपालगन्जमा सर्वसाधारणका लागि पेट्रोल पम्प सन्चालन