बबई नदीमा सेना बेपत्ता

बर्दिया — बारबर्दिया नगरपालिका १ स्थित बबई नदीमा नेपाली सेनाका सिपाही बेपत्ता भएका छन् । वनभोज खान पुगेका बारबर्दिया—७ का अन्दाजी २६ वर्षीय विष्णु रनपाल साँझ करिब ५ बजे बेपत्ता भएका हुन । प्रहरी उपरीक्षक केदार रोजौरेले वनभोज खान पुगेका दुई समूहबीच विवाद हुँदा झडप भएपछि उनी बेपत्ता भएको प्रारम्भिक अनुसन्धानमा खुलेको जनाए । घटनाका सम्बन्धमा प्रहरीले अनुसन्धानका लागि तीन जनालाई नियन्त्रणमा लिएको छ ।
प्रहरी निरीक्षकको कमान्डमा भुरीगाउँ र बनियाभारबाट प्रहरी टोली उद्दारका लागि खटिएको प्रहरीले जनाएको छ । बिहीबार थप खोजीका लागि सशस्त्र प्रहरी बल परिचालन गरिने भएको छ ।