मकवानपुर— मनहरी ६र ७चेपांग गाउँका विपन्न परिवारलाई कपडा बितरण अभियान सुरु गरिएको छ । छोरीका लागि छोरी नै अभियान नामक अभियानले उक्त अभियान सुरु गरेको हो ।
अभियानका बागमती प्रदेश संयोजक मुना पाण्डेले चिसो मौसम सुरु भएपछि कपडा वितरण अभियान सुरु गरेको जनाईन ।
‘तपाईसंग भएका पुराना कपडा नफाल्नुस कपडाबिहिनलाई दिन सहयोग गर्नुस,’ उनले भनिन्,‘गत वर्ष पनि यसैगरी अभियान चलाएका थियौँ ।’
उनले घरमा घरमा भएका लगाउन मिल्ने लुगाहरु यत्तिकै फ्याक्नुको साटो सहयोग गर्न आग्रह गरिन । यसअघि उनले फुड बैंक अभियान चलाएको बताईन । उनले आफ्नो जन्म दिनको अवसर पारेर चेपाङबस्तीमा कपडा वितरण गरेको जनाईन ।
