नेपाली काँग्रेसका बरिष्ठ नेता तथा पुर्ब उपप्रधानमन्त्री रामचन्द्र पौडेलमाथि बुधबार तनहुमा भएको धरपकडको विरोधमा नेपाल तरुण दल, बाँकेले बिहीबार नेपालगञ्जमा प्रदर्शन गरेको छ ।
तरुण दलले वीपीचोकमा टायर बालेर प्रदर्शन गरेको थियो । त्यसक्रममा तरुण दलका कार्यकर्ता र प्रहरीबीच धकेलाधकेल समेत भएको थियो । काँग्रेस कार्ययकर्ताहरुलाई प्रहरीले धरपकड गर्न खोजेपछि केहीबेर प्रहरीसँग विवाद भएको थियो ।
तरुण दल, बाँकेका सचिव बिनोद रिजालको अध्यक्षतामा सम्पन्न कोण सभालाई नेपाली काँग्रेस क्षेत्र नं ३ का क्षेत्रीय सभापति रमेश गुप्ता, नेपालगञ्ज नगर सभापति प्रशान्त विष्ट, नेपाल तरुण दल नेपालगञ्ज नगर सभापति सन्दिपजंग शाहले सरकारलाई सर्वसत्तावाद लाद्ने प्रयास नगर्न चेतावनी दिनुभयो । कार्यक्रममा तरुण दल बांके आबद्ध सयौं कार्यकताको सहभागिता रहेको सक्रिय कार्यकता लोकेश आचार्यले जानकरी दिनुभयो ।
१४ जेष्ठ २०८०, आईतवार । 2023/05/28
