बुटवलमा प्रहरीकाे पेस्ताेल खाेसेर तस्करले गोली चलाए – Dastabej

बुटवलमा प्रहरीकाे पेस्ताेल खाेसेर तस्करले गोली चलाए

गोली आफ्नै साथीलाई लाग्दा तस्करमा संलग्न एक गम्भीर, एक फरार, २ पक्राउ


  • अमृता अनमोल ekantipu.com

  • बुटवल — बुटवलमा प्रहरीको पेस्तोल खोसेर खाग तस्करले गोली चलाएका छन् । खाग तस्करीको आशंकामा प्रहरीले पक्राउ गर्न खोज्दा तस्करले प्रहरीको पेस्तोल खोसेर गोली चलाएका थिए । प्रहरीलाई हानेको गोली आफ्नै साथीलाई लाग्दा एक जना गम्भीर घाइते भएका छन् ।

    गोली प्रहारबाट काठमाडौं, वसन्तपुरका राकेश न्यौपाने गम्भीर घाइते भएको जिल्ला प्रहरी कार्यालय रुपन्देहीका प्रवक्ता एवं प्रहरी नायब उपरीक्षक सत्यनारायण थापाले बताए । न्यौपानेको चिउँडोमा गोली लागेको छ । उनलाई लुम्बिनी प्रादेशिक अस्पतालमा उपचार हुन नसकेपछि भैरहवा मेडिकल कलेज लगिएको छ ।

    बुटवल–८ सुख्खानगरको पश्चिमाञ्चल फाइनान्स पछाडि कलश होटलमा बिहान करिब ९ बजे गोली चलेको थियो ।

    प्रहरीका अनुसार खाग तस्कर बसेको प्रारम्भिक सूचनाका आधारमा २ जना प्रहरी सादा पोसाकमा होटलमा पुगेका थिए । होटलमा सोधपुछपछि ४ जना बसेको कोठामा बाहिरबाट चुकुल लगाइएको थियो । त्यसपछि ढोका फोरेर प्रहरीको पेस्तोल खोसेर प्रहरीलाई प्रहार गर्न खोज्दा न्यौपानेको चिउँडोमा गोली लागेको थियो ।

    गोली हान्ने जाजरकोटको नायकवडा गाउँपालिका–४ का विरेन्द्रबहादुर सिंह फरार भएका छन् । अन्य २ जनालाई प्रहरीले पक्राउ गरेको छ । पक्राउ पर्नेमा जाजरकोटको बारीकोट गाउँपालिका ४ का कर्णबहादुर राउत र सुर्खेतको लेकबेंसी नगरपालिकाका भक्तबहादुर थापा रहेको जिल्ला प्रहरी प्रवक्ता थापाले बताए ।

  • २१ मंसिर २०७७, आईतवार १४:५१ प्रकाशित

  • Nabintech
  • १. गैडाकोट दुर्घटनाः बर्दिया बाँसगढीका एक दम्पत्तीका श्रीमतिको मृत्यु, श्रीमान गम्भीर, यस्तो छ घाईतेको नाम र स्वास्थ्य अवस्था
  • २. बाँकेमा मजदुरदेखि बिज्ञसम्मको पारिश्रमिक निर्धारण, गोबर माटो र भुसदेखि सुनसम्मको मुल्य तोकियो
  • ३. कर्मचारीकै मिलोमतोमा नेपालगन्ज भन्सारमा राजस्व छलीः ७ हजार पर्ने समानको मुल्य १००, कारवाहीबाट जोगिन अर्थ मन्त्रालयसम्म दौडधुप
  • ४. नेपालगन्जस्थित ज्योति लाइफ इन्सुरेन्सका एरिया सेल्स म्यानेजर माझीले गरे ‘बलात्कार’को प्रयास, मुद्दा चल्यो अभद्र व्यवहार
  • ५. ”मृत शिशु साटिएको” भन्दै भेरी अस्पतालमा रातभरी विवाद, आज छलफल हुँदै
  • ६. बर्खामा किरननालाको किन भत्काइयो पुल ? गाडी चल्न बन्द, स्थानीयलाई सास्ती
  • ७. सावधान, बाँकेको पुर्बी गाभरमा मंगलबार पनि देखियो बाघ