सल्यानमा दुर्घटना हुँदा चालकको मृत्यु

सल्यान । सल्यानमा टयाक्टर दुर्घटना हुँदा चालकको घटना स्थलमै मृत्यु भएको छ । मंगलबार साँझ ५ बजे तिर बनगाड कुपिण्डे नगरपालिका १ सल्लीबजारबाट वामे जाँदै गरेको भे २ त २७२ नम्बर को टयाक्टर बनगाड कुपिण्डे नगरपालिका ३ च्युरिगैरा नजिकै दुर्घटना भएको जिल्ला प्रहरी कार्यालय सल्यानले जनाएको छ । दुर्घटनामा परी ट््याक्टर चालक बनगाड कुपिण्डे नगरपालिका २ वामेका २१ वर्षीय लोकश वि।क। रहेको जिल्ला प्रहरी कार्यालय सल्यानका प्रहरी प्रबक्ता प्रहरी निरीक्षक लक्ष्मण ओलीले जानकारी दिए ।
टयाक्टर सडकबाट करिब ३ सय मिटर तल खोलामा खसेको छ । दुर्घटनाका विषयमा थप अनुसन्धान भइरहेको प्रहरीको भनाई छ ।