रोल्पा । जिल्ला प्रहरी कार्यालय रोल्पा लिवाङबाट सरुवा भएर प्रमुखका रुपमा ईलाका प्रहरी कार्यालय होलेरीमा आएका प्रहरी निरीक्षक शंकर खड्का आफै डिउटीमा खटिने गरेका छन् । उनी खाली बसेको देख्न पाइन्न। कहिले टोलिसहित घोराही(होलेरी शहिदमार्गमा सवारी चेकजांचमा खटिएको अबस्थामा हुन्छन्।कहिले विभिन्न गाउँहरुमा सचेतनामुलक कार्यक्रममा पुग्छन् । रुन्टीगढी गाउँपालिका भित्रका बिद्यालयहरुमा पुगेर लैङ्गिक हिंसा,लागु औषध दुर्व्यसनले ब्यक्तिको स्वास्थ्य,परिवार,समाज र सिंगो राष्ट्रलाई पुर्याउने असर बारे बिद्यार्थीहरुलाई सचेत बनाउँने अभियानको शुरूवात गरेको उनले जनाए । गाउँ,समाजमा अपराध न्यूनीकरण गर्ने उद्देश्यका साथ उनले विभिन्न कार्यक्रमा सन्चालन गरेका हुन । गत शुक्रबार सुर्पाल बजारमा र सनिवार रुन्टीगढी गाउँपालिकाकै दुर्गम बस्ति मानिने वडा नम्बर ८ को विभिन्न गाउँमा सचेतना मुलक कार्यक्रम गरिएको छ । यसै बिच होलेरी स्थित महेन्द्र माध्यमिक बिद्यालय र गणेश मा।बि।धौलाबाङ र नेपाल राष्ट्रिय माबि डुब्रिङमा पुगेर समेत बिद्यार्थी हरुलाई सचेतना मुलक प्रशिक्षण र्दिएका छन् ।ईलाका प्रहरी कार्यालय होलेरीमा आएका प्रहरी निरीक्षक शंकर खड्का आफै डिउटीमा खटिने गरेका छन् ।
१४ जेष्ठ २०८०, आईतवार । 2023/05/28
