नेपालगन्ज— बाँकेको कोहलपुर नगरपालिकाले गन्दर्भ र बादी समुदायका सर्वसाधारणहरुलाई व्यवास्थितरुपमा बसोबास मिलाउन पहल थालेको छ । तराई समबृद्धि विकास र नगरपालिकाको सहयोगमा पहिलो चरणमा डुडुवा नहरको छेउमा रहेका २४ घरधुरी बस्तिलाई व्यस्थित गर्न थालिकाएको हो । त्यसका लागि वडा न. ११ मा १० घरधुरीका लागि १ करोड २० लाख लगानीमा घर निर्माण गरेको छ । दोस्रो चरणमा ९० लाख ५८ हजार ८ सय २८ रुपैया ९० पैसाको लागतमा घर निर्माण गर्न थालिएको कोहलपुर नगरपालिकाका प्रमुख लुटबहादुर रावतले बताए ।
सरकारले गन्दर्भ समाजको लागि घर बनाए पनि उपभोक्ता समितिले व्यवास्थित तरिकाले घर बनाएको छैन् । पहिलो चरणमा १० घरका लागि शौचालयको स्याफ्टी ट्यांकी एउटैमा बनाइएको थियो । स्थानीय विरबहादुर गन्दर्भले स्याफ्टी ट्यांकी सफाईका लागि १ हजार ५ रुपैयाँ तिर्नुपर्ने बाध्यता रहेको जनाए ।
तर घर पाएपछि गन्दर्भ खुसी छन् ।
७ चैत्र २०७९, मंगलवार । 2023/03/21
