प्रधानमन्त्री ओलीले बोलाए ५ बजेका लागि संवैधानिक परिषद् बैठक – Dastabej

प्रधानमन्त्री ओलीले बोलाए ५ बजेका लागि संवैधानिक परिषद् बैठक


  • ekantipur.com बाट सभार

  • काठमाडौँ — संवैधानिक परिषद् बैठक बिहीबार साँझ ५ बजेका लागि बोलाइएको छ । प्रधानमन्त्री एवं परिषद् अध्यक्ष केपी शर्मा ओलीले बालुवाटारमा बैठक बोलाएका हुन् । बैठक राष्ट्रपति विद्यादेवी भण्डारीले मंगलबार जारी गरेको अध्यादेशअनुसार बस्‍न लागेको हो ।
    बालुवाटारमा मंगलबार बसेको संवैधानिक परिषद् बैठकमा प्रधानमन्त्री केपी शर्मा ओली, प्रधानन्यायाधीश चोलेन्द्रशमशेर राणा र राष्ट्रिय सभा अध्यक्ष गणेश तिमिल्सिना । संवैधानिक परिषद् बैठकका लागि एजेन्डासहित सदस्यहरुलाई पत्र पठाउनु पर्नेमा त्यो गरिएको छैन । ५ बजे बस्ने संवैधानिक परिषद् बैठकमा उपस्थित हुनका लागि खबर आएको प्रमुख प्रतिपक्ष दल कांग्रेस सभापति शेरबहादुर देउवा निकट स्रोतले जनाएको छ । तर सभामुख अग्निप्रसाद सापकोटालाई भने परिषद् बैठकबारे जानकारी पुगेको छैन । सभामुखको सचिवालयले पत्र प्राप्त नभएको बताएको छ ।यस्तै बिहीबार नै ६ बजे मन्त्रिपरिषद्को बैठक बोलाइएको छ । संवैधानिक परिषद् सम्बन्धीको अध्यादेश जारी भएपछि प्रधानमन्त्री केपी शर्मा ओली विवादमा तानिएका थिए । उक्त कदमविरुद्ध नेकपाका अध्यक्ष पुष्पकमल दाहाल वरिष्ठ नेता माधवकुमार नेपाल लगायतको समूहले विरोध गरेपछि बुधबारको स्थायी कमिटी बैठकमा अध्यादेश फिर्ता लिने सहमति भएको थियो ।

  • २ पुष २०७७, बिहीबार १५:३६ प्रकाशित

  • Nabintech
  • १. कता हराए प्रहरीले पक्राउ गरेको २ ट्रक गोरु ?
  • २. नेपालगन्ज एयरपोर्टः बिमान स्थल कि बन्यजन्तु संरक्षण क्षेत्र ? दुई महिनामा तीन पल्ट जहाजमा बन्यजन्तु ठोक्किए
  • ३. नेपालगन्जमा “सूर्यवंशी” हेर्न दर्शकको ओइरो
  • ४. बर्दियाकी एकली थारु महिला वडाध्यक्ष
  • ५. बाघले फेरि लियो बर्दियामा एक जनाको ज्यान
  • ६. नेपालगन्जबाट गएको बस जाजरकोटमा दुर्घटना : ५ को मृत्यु, २७ जना घाइते
  • ७. आधा मुल्यमा धान बिक्री गर्न बाध्य किसान