काठमाडौँ — प्रतिनिििधसभा बिघटनपछि नेकपा अध्यक्ष एवं प्रधानमन्त्री तथा केपी शर्मा ओलीले महाधिवेशन आयोजक कमिटी सार्वजनिक गरेका छन् । मंगलबार बालुवाटारमा जारी ओली निकट केन्द्रीय कमिटीको बैठकमा ११९९ सदस्यीय महाधिवेशन आयोजक कमिटी सार्वजनिक गरेका हुन । त्यस्तै हालको ४४७ सदस्यीय केन्द्रीय कमिटीलाई ५५६ जना कमिटी घोषणा गरेको प्रधानमन्त्रीका प्रेस सल्लाहकार सूर्य थापाले जानकारी दिए । खाली रहेको १९६ जना पछि थपिने गरी अध्यक्ष ओलीले ५५६ जनलाई सोमबार नै मनोनयन गरेको र मंगलबारको बैठकमा अनुमोदनका लागि प्रस्ताव गरेको पनि उनले बताए । ओली समूहको बैठक बालुवाटारमा जारी छ ।पूर्व माओवादी निकटका नेकपा स्थायी कमिटी सदस्य टोपबहादुर रायमाझी र मणि थापा पनि सहभागी छन् । नेता रायमाझीले कार्यकारी अध्यक्ष पुष्पकमल दाहालकै कारण आफू लामो समयदेखिको सहयात्रा तोड्न बाध्य भएको बताएका थिए ।
१४ जेष्ठ २०८०, आईतवार । 2023/05/28
