चितवन — छोरीका लागि छोरी नै अभियान र मानबि क्रियसनको संयुक्त आयोजनामा लायन्सका बिभिन्न क्लबहरुसंगको संयुक्त सहकार्यद्वारा चितवनका ६०० जनालाई न्यानो कपडा वितरण गरिएको छ । राप्ती नपा १० कोराक किरनटार र मकवानपुरको मनहरी गाउँपालिका ६ र ७ सुनाखरीमा गरी ५२ घरपरिवारलाई सिरक, टोपी, चप्पल कोल्गेट लगायत बिभिन्न राहत सामाग्री बितरण गरिएको हो ।
तातो न्यानो कपडा संकलनदेखि कार्यक्रम आयोजनामा मानबी क्रियसनका अध्यक्ष बद्री ढुंगाना, लायन्स अध्यक्ष जयन्ती अधिकारी महत्वपुण भूमिका खेलेका थिए । कार्यक्रमा छोरीका लागि छोरी नै बागमती प्रदेशसंयोजक मुना पान्डेय साथै चितवन संयोजक र चेपांग संयोजक सपना प्रजा लगायतको उपस्थिती रहेको थियो। छोरीका लागि छोरी नै अभियानले चितवनको कोराक समुदायमा बिभिन्न कार्यक्रम संचालन गर्दै आइरहेको छ।
