बाँकेको खजुरा गाउँपालिकाले २० वटा संस्थागत विद्यालय र ३ वटा क्यापसका विद्यार्थी र शिक्षकलाई कोभिड–१९ को संक्रमण न्यूनिकरणका लागि स्वास्थ्य सामाग्री वितरण गरेको छ । शिक्षा, युवा तथा खेलकुद शाखको आयोजनामा भएको कार्यक्रममा १३ हजार माक्स र २३ वटा थर्मल गन वितरण गरिएको छ । कार्यक्रममा गाउँपालिकाका अध्यक्ष किस्मत कुमार कक्षपति, प्रमुख प्रशासकीय अधिकृत मणिराम खराल, शिक्षा शाखा प्रमुख खगेन्द्र मल्ल लगायतले सो सामाग्री वितरण गरेका छन् ।
यसैबिच सोही कार्यक्रममा कोभिड–१९ विरुद्ध विद्यार्थीहरुलाई मनोसामाजिक परामर्श सेवा दिनका लागि ६ सय थान पुस्तक वितरण गरिएको शिक्षा, युवा तथा खेलकुद शाखाका प्राविधिक सहायक निर्मल रेग्मीले जानकारी दिए । 
खजुरा गाउँपालिकाले विद्यार्थीको चाप बढि भएको ठाउँमा २ सिफ्ट र कम भएको ठाउँमा १ सिफ्टमा सुरक्षा मापदण्ड अपनाएर कक्षा सञ्चालन गरिरहेको छ ।
१९ चैत्र २०७९, आईतवार । 2023/04/02
