एकै दिन १५७ जना कोरोना संक्रमित डिष्चार्ज

बाँकेमा आज एकै दिन १ सय ५७ जना कोरोना संक्रमित निको भई डिष्चार्ज भएका छन् । डिष्चार्ज हुनेमा ९८ पुरुष र ५९ महिला छन् । यो संगै बाँकेमा कोरोना संक्रमणबाट निको हुनेको संख्या २ हजार ५ सय १४ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । जिल्लामा कोरोना निको हुने दर ८४.४५ रहेको छ । आइसोलेसनमा ४ सय ३३ जना छन् । बाँकेमा हालसम्म २ हजार ९ सय ७७ जनामा कोरोना पुष्टि भएको छ । अहिलेसम्म ३० जनाको मृत्युु भएको छ ।