बाँकेमा आज ८ जना कोरोना संक्रमित थपिए,जिल्लामा संक्रमितको संख्या ३ हजार ४ पुग्यो

बाँकेमा आज ८ जना कोरोना संक्रमित थपिएका छन् । नेपालगन्ज मेडिकल कलेज कोहलपुरमा गरिएको परिक्षणमा ७ जना र भेरी अस्पतालमा १ जना गरी ८ जनामा कोरोना पुष्टि भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । यो संगै बाँकेमा कोरोना संक्रमितको कुल संख्या ३ हजार ४ पुगेको छ । हालसम्म २ हजार ६ सय ६० जना निको हुँदा ३० जनाको मृत्यु भएको छ । अहिले ३ सय १४ जना आइसोलेसनमा छन् । बाँकेमा गरिएको परिक्षणमा बाहिरी जिल्लाका ६ जनामा पनि कोरोना पुष्टि भएको छ ।