बाँकेका प्रजिअको स्वास्थ्य अवस्था समान्य

बाँके— कोरोना संक्रमण पुष्टि भएका बाँकेका प्रमुख जिल्ला अधिकारी रामबहादुर कुरुम्बाङको स्वास्थ्य अवस्था समान्य छ । स्वास्थ्य कार्यालय बाँकेका कोरोना स्रोत व्यक्ति नरेश श्रेष्ठले उनको स्वास्थ्य अवस्था समान्य रहेको जनाए । उच्च ज्वरो आएपछि स्वाव परीक्षण गर्दा उनलाई कोरोना संक्रमण पुष्टि भएको थियो । हाल उनी आफ्नै क्वाटरमा आइसोलेसनमा बसेका छन् । उनको स्वास्थ्यको कामना गर्दै सयौंले समाजिक सन्जाल मार्फत गरिरहेका छन् । यसअघि सहायक प्रमुख जिल्ला अधिकारीलाई कोरोना संक्रमण देखिएको थियो । एक सातादेखि उनी आइसोलेसनमा छन् ।