सर ! मलाई पास हुनैपर्छ नभन्नू है - Dastabej

सर ! मलाई पास हुनैपर्छ नभन्नू है


  • रिजन मडै

  • सर ! मलाई पास हुनैपर्छ भनि जबर्जस्ती नगर्नू है
    किनकि मेरो साथी पास भएपछि बिदेसिएको छ
    गाउँका विकृति छुटाउन नपाउँदै छुटिन्छ
    सानो छँदा आमाले काखमा लेखाएको गुन तिर्न नपाउँदै
    रोजगारीको लागि भौतारिन्छ ।

    सर प्लिज मलाई पास हुनैपर्छ नभन्नू है
    किनकि बालापनको दोस्ती अझै मजबुत बनेको छैन
    सुख, दुःख अझै साट्न पुगेको छैन
    होमवर्क मिलेर बनाए झैँ जिन्दगी मिलाएको छैन ।

    सर मलाई पास हुनैपर्छ नभन्नू है
    किनकि उसलाई पछ्याउँदै म अगाडि हिँड्न पाउँदिन
    गीत गाउँदै अरुको खिसिट्याउ उडाउन मिल्दैन
    ऊ बस्ने ठाँउ मलाई बस्न मन लाग्दैन ।

    सर प्लिज मलाई पास हुनैपर्छ नभन्नू है
    किनकि म कक्षाको अङ्कमा फेल भए पनि जिन्दगीमा पास हुनेछु
    नतिजामा फेल भए पनि समाजमा पास हुनेछु
    म जस्तै हाम्रा सपना सिउनमा पास हुनेछु ।

    प्लिज सर मेरो साथी र मलाई नछुटाइदिनू
    हामी पास भए त बिदेसिन्छौँ
    त्यसैले त सर
    मलाई पास हुनैपर्छ नभन्नू है ।

  • ६ श्रावण २०७७, मंगलवार १६:२२ प्रकाशित

  • Nabintech
  • १. नेपालगन्ज उपमहानगरपालिका १२ द्वारा दाउरा वितरण (तस्वीर सहित )
  • २. चिसो लाई मध्यनजर गदौँ खजुरा ६ मा दाउरा उपलब्ध
  • ३. बढैयातालका बालि बिमितले पाए दाबी भुक्तानी
  • ४. स्टक प्रमाणिकरण र उद्योग नविकरण कागजातहरु १५ दिन भित्र पेश गर्न उद्योगहरुलाई पत्राचार गर्ने निर्णय
  • ५. खजुरा ५ मा निशुल्क ईन्टरनेट सेवा
  • ६. निर्मलालाई न्याय माग्दै रुबि फेरि काठमाण्डोमा
  • ७. मुनाल कप फुटवल प्रतियोगिता जारी सोमबारको खेलमा मयुर र मुनाल बिजयी