‘आईएमई घरमै’ को एक लाख रुपैयाँको भाग्यशाली विजेता बने रोकाया – Dastabej

‘आईएमई घरमै’ को एक लाख रुपैयाँको भाग्यशाली विजेता बने रोकाया


  • दस्तावेज

  • आईएमई सेवाग्राही मंगल बहादुर रोकाया ‘आईएमई घरमै’को विजेता बन्नुभएको छ ।

    सफ्टवेयर पद्वतिमा आधारित ‘लक्की–ड्र’ मार्फत रोकाया विजेता घोषित हुनुभएको हो । विजेता रोकायाले एक लाख रुपैयाँ पुरस्कार प्राप्त गर्नुभएको छ ।

    आईएमई लिमिटेडले कोरोना भाइरस (कोभिड १९) को प्रभावलाई मध्यनजर गर्दै घरबाहिर ननिस्केरै रेमिट्यान्स गरिएको रकम सजिलै प्राप्त गर्न सकिन्छ भन्ने सन्देश प्रवाह गर्नका लागि ‘आइएमई घरमै – १ लाख रुपैयाँ जितौं’ भन्ने उपहार कार्यक्रम योजना लागू गरेको हो ।

    यो कार्यक्रम गएको जेठ ३१ गतेदेखि सुरू भएको थियो । सामान्य अवस्थामा नेपालभित्र गरिने रेमिट्यान्स वा विदेशबाट आएको रेमिट्यान्सलाई एजेन्टकहाँ गइ रकम लिन सकिन्छ । तर अहिलेको अवस्थामा बाहिर निस्किँदा सङ्क्रमणको जोखिम हुने भएकाले आफ्नो मोबाइल फोनमा नै रकम प्राप्त गर्न सकिने गरी यो योजना सार्वजनिक गरिएको थियो ।

    २०७७ साल असारको अन्त्यसम्म मात्र कायम यस योजनाबाट आईएमई गरिएको रकम आईएमई पे मोबाइल वालेट एपमा प्राप्त गर्ने एकजना भाग्यशालीलाई एकलाख रुपैयाँ र हरेक हप्ता ५ जनालाई जनही ५ हजार रुपैयाँ प्रदान गरिने गरी सार्वजनिक गरिएको थियो ।

    आम सेवाग्राहीहरूको सुविधालाई मध्यनजर गर्दै आईएमईले आफ्नो स्थापना कालदेखि नै विभिन्न सेवाग्राहीमुखी उपहार योजना सार्वजनिक गर्दै आइरहेको छ । स्वदेश तथा विदेशबाट आईएमई गरिएको रकम आईएमई पेमा प्राप्त गर्दा हरेक कारोबारमा ५० रुपैयाँ बोनस स्वरूप प्राप्त गर्न सकिने व्यवस्था यो सँगसँगै मिलाइएको थियो ।

    विजेतालाई उपहार रकम आइएमई पे मोबाइल वालेटमा नै प्रदान गरी सामाजिक दूरी कायम गर्न प्रोत्साहन गरिएको थियो ।

  • ६ श्रावण २०७७, मंगलवार १६:४९ प्रकाशित

  • Nabintech
  • १. बांकेमा बाबुद्वारा आफ्नै छोराको धारिलो हतियार प्रयोग गरि हत्या
  • २. मानखोलाको जंगलबाट चरेस सहित ३ जना पक्राउ
  • ३. अस्पतालमा किन हुन्छ कोरोना विरामीको बढी मृत्यु ?
  • ४. लखेटीलखेटी आक्रमण,नर्सहरु एक तलाको झ्यालबाट हाम फाले
  • ५. विपदमा सहयोगी विमल
  • ६. कोहलपुरमा धाराबाट आफै बग्थ्यो पानी, चुरे विनासपछि सुक्यो धारा र खानेपानी
  • ७. आँखै अगाडि छटपटिएर मृत्यु भएको देख्दा रुन्छन् कोरानाका विरामी र कुरुवा
  • ८. बिद्रोह गर्दा कमैयामाथि जमिन्दारले बर्साउँथे गोली, खलियानमा गरिएको थियो महिलासहित ६ को हत्या
  • ९. गणतन्त्रको १३वर्षः कम्रेडहरुले बिर्से बलिदानी दिएको गाउँ
  • १०. काँखमा रहेकी ३ वर्षकी छोरीसहित हात्तीले पछारेपछि आमाछोरीको मृत्यु