काठमाडौं । बजाज पल्सर एभरेष्ट प्रिमियर लिग ९ईपीएल० को चौथो संस्करण आज शनिबारदेखि त्रिवि अन्तर्राष्ट्रिय क्रिकेट मैदानमा उद्घाटन गर्न लागिएको छ ।
पिच, मैदानको आउटफिल्डदेखि बाउन्ड्री बाहिर डिजिटल बोर्डलगायत आकर्षक बनाइएको छ ।
ईपीएल प्रालीको आयोजनामा हुने प्रतियोगितामा ६ फ्रेन्चाइज टोलीले प्रतिस्पर्धा गर्दैछन् । सिंगल राउण्ड रोविनको खेलहरु भएपछि क्वालिफायर हुँदै फाइल हुनेछ ।
आजको उद्घाटन अर्थात पहिलो खेल ललितपुर प्याट्रिओट्स र काठमाडौं किंग्स(११ बीच हुँदैछ । खेल मध्याह्न १२ बजे सुरु हुनेछ । ललितपुर साविक विजेता टोली हो ।
पाकिस्तानका पूर्व कप्तान शाहीद अफ्रिदी पनि काठमाडौंबाट खेल्दैछन् । घरेलु क्रिकेटमा खेल्ने अफ्रिदी अहिलेसम्मकै ठूलो नाम हुन् ।
५० लाख पुरस्कार र ईपीएलको आकर्षक ट्रफीका लागि साविक विजेता ललितपुर प्याट्रिओट्स सहित, विराटनगर वारियर्स, भैरहवा ग्लाडिएटर्स, काठमाडौं किंग्स ११, चितवन टाइगर्स र पोखरा राइनोजबीच प्रतिस्पर्धा हुनेछ ।
