जहाँ हुन्छ भूतमेला – Dastabej

जहाँ हुन्छ भूतमेला


  • – गोपालप्रसाद बराल

  • महोत्तरी, २४ असोज (रासस) ः जिल्लाको प्रसिद्ध देवी शक्तिपीठ सोनामाई मन्दिरमा भूतमेला सुरु भएको छ । औरही नगरपालिका–७ भोइलस्थित सोनामाई मन्दिरमा नवरात्रको पाँचौँ दिन (पञ्चमी तिथि)मा सुरु हुने सो मेला तिथिको घटबढले चौथौ दिन आजै सुरु भएको हो । बिहान सूर्योदयपछि सात घडी १३ पला बितेसँगै पञ्चमी तिथि भएकाले आजै मेला प्रारम्भ भएको मन्दिर व्यवस्थापन समितिले जनाएको हो । तिथिको भोगअनुसार आज बिहान ८ बजेपूर्व नै पञ्चमी प्रारम्भ भएको मैथिल कर्मकाण्डका ज्ञाताले बताएका छन् ।

    नवरात्रको पञ्चमीदेखि नवमीसम्म आयोजना गरिने मेलामा दुष्टात्माबाट सताइएका भक्तजनले देवीसँग कष्ट निवारणका लागि पुकार गर्छन् । भूतप्रेत, बोक्सा–बोक्सी र दुष्टात्माले सताइएका भक्तजन देवीको दर्शन र पुकार पछि निको भएर जाने गरेका विश्वास गरिन्छ । वर्षौँदेखि भूत, पिसाच, जादु र टुनाको कुचक्रका साथै बोक्साबोक्सीबाट सताइएकाहरू जीवन र मृत्युको दोसाँधमा परेपछि सोनामाईको सीमा क्षेत्रमा पुग्नासाथ कसबाट सताइएको हो आफैँ बक्ने गरेको देखिन्छ । यस्ता दुःखीहरु देवीको शक्तिले मन्दिर सीमा क्षेत्रमा प्रवेश गरेलगत्तै लड्दै, रुँदै, हाँस्दै र विभिन्न असमान्य गतिविधि देखाउँदै मुख्य मन्दिरमा पुगेपछि सोनामाईको कृपाले निको भएर घर र्फकने गरेका मन्दिरका मुख्य पुजारी केदार झा बताउनुहुन्छ ।

     

     

    पञ्चमीदेखि नवमी तिथिभरि रहने मेलामा प्रदेश नं २का र छिमेकी मुलुक भारतको सीतामढी, मधुवनी, चम्पारन, शिवहर र मुजफ्फरपुर जिल्लाका भक्तजनको घुइँचो लाग्ने गरेको छ । दुष्टात्माका कारण रातदिन दुःखी र पीडित भएका कारण पीडितहरू देवीको कृपाले निको भएर हाँस्दै घर फर्कने गरेका भोइलवासी बताउँछन् ।

    सोनामाई शक्तिपीठमा दर्जनाँै धामी झाँक्री रातदिन भजनकीर्तन र भूत भगाउने काममा तल्लिन रहन्छन् भने यस अवधिमा माता दुर्गा यहाँ प्रत्यक्ष विराजमान भएर पीडितको कष्ट निवारण गर्नुहुने मुख्य पुजारी झाको भनाइ छ । माताको दरबारमा एकपटक पुग्ने पीडितको शरीरमा फेरि कहिल्यै पनि यस्तो असर नहुने जनविश्वास छ ।

    मेलाको परम्परागत र सांस्कृतिक महत्व भए पनि भूतमेलासँग जोडिएर आउने बोक्साबोक्सी र कथित दुष्टात्माको कुरा भ्रममात्र भएको नयाँ पिँढीका व्यक्ति बताउँछन् । बडादसैँ पर्वमा देवी दुर्गाको महत्ता उजागर हुनु तथा मातृसत्ताप्रति श्रद्धाभाव जगाइनु राम्रो र उन्नत संस्कार भए पनि यससँग जोडेर भूतप्रेत, बोक्साबोक्सीजस्ता अन्धविश्वासको पछि लाग्नु समाजको अग्रगतिका लागि बाधक रहेको नयाँ पिँढीका युवाको भनाइ छ । मेलाको यो पक्षलाई परिस्कार गरिनुपर्ने भङ्गाहा–४ का युवा देवनाथ सिंह बताउनुहुन्छ ।

  • २४ आश्विन २०७८, आईतवार ११:५१ प्रकाशित

  • Nabintech
  • १. मृत भेटिएकी छात्राको मोबाईलमा प्रिन्सपलको एसएमएस, बिद्यालयमा ढुंगामुढा, प्रिन्सपल पक्राउ
  • २. न्याय खोज्दै नेपालगन्जबाट २० दिन हिँडेर काठमाडौं पुगे बाँकेका महिला
  • ३. दिप ज्योतीका प्रिन्सपल पाण्डेबिरुद्ध आत्मा हत्या दुरुत्साहन मुद्दा दर्ता
  • ४. छात्रा ऐलिसा मृत्यु प्रकरणः प्रिन्सपललाई कारवाहीको माग गर्दै बिद्यालय घेराउ (भिडियो)
  • ५.  बाघको आक्रमणले आँखा गुमाएका बर्दियाका भदैलाई हलिउड अभिनेता लियोनाद्रो  डिक्याप्रियोको चस्मा
  • ६. २० दिन हिडेर काठमाडौं पुगेकी रुबीलाई २४ घण्टाभित्र उपस्थित गराउन प्रहरीलाई सर्वोच्चको आदेश
  • ७. नेपालिहरुलाई सताउंने १०जना नेपालगन्ज नाकाबाट पक्राउ