बस दुर्घटना: एक दर्जन बालबालिकासहित कम्तीमा ४६ को मृत्यु – Dastabej

बस दुर्घटना: एक दर्जन बालबालिकासहित कम्तीमा ४६ को मृत्यु


  • दस्तावेज

  • बीबीसी । पश्चिमी बल्गेरियामा एउटा बस दुर्घटनामा परेसँगै भएको आगलागीमा १२ बालबालिकासहित कम्तीमा ४६ जनाको मृत्यु भएको अधिकारीहरूले जनाएका छन्।

    स्थानीय समयानुसार रातको झन्डै दुई बजे राजधानी सोफीयाबाट दक्षिण-पश्चिमतर्फ रहेको एक सडकमा बस दुर्घटना भएको हो।

    उक्त बस नर्थ म्यासेडोनियामा दर्ता भएको बताइएको छ। बसमा टर्कीबाट स्वदेश फर्किएका पर्यटकहरू सवार थिए।

    यात्रुमध्ये सात जना बसबाट निस्कन सफल भए। आगलागीमा परेका उनीहरूलाई अस्पताल पुर्‍याइएको छ।

    बल्गेरियाका आन्तरिक मामिला हेर्ने मन्त्रालयका एक अधिकारीले बसमा पहिले आगो लागेपछि ठोक्किएको हो वा ठोक्किएपछि आगो लाग्न सुरु भएको हो भन्ने कुरा स्पष्ट नरहेको बताएका छन्।

    बल्गेरियाका सञ्चारमाध्यमहरूका अनुसार उक्त बस दुर्घटनामा पर्नुभन्दा झन्डै एक घण्टा अगाडी सोफीयानजिकै एउटा पेट्रोल पम्पमा रोकिएको थियो।

    हताहत
    घटनामा हताहत हुनेहरूको सनाखत भइसकेको छैन तर अधिकारीहरूका अनुसार बालबालिका अनि २० देखि ३० वर्षका युवाहरू दुर्घटनामा परेका छन्।

    म्यासेडोनियाका प्रधानमन्त्री जोरन जाएबले बल्गेरियाको एउटा टेलिभिजनलाई बताए अनुसार बसमा सवार अधिकांश यात्रुहरू म्यासेडोनियाका नागरिक हुन्।

    घटनामा एक बेल्जियमका र एक सर्बियाका नागरिकले पनि ज्यान गुमाएको बताइएको छ।

    जाएबले आफूले एकजना जीवितै उद्धार गरिएका यात्रुसँग कुराकानी गरेको र उनले बसमा निदाइरहेका यात्रुहरू विस्फोटनको आवाज आएपछि मात्रै ब्युँझिएको बताएको जनाएका छन्।

  • ७ मंसिर २०७८, मंगलवार २१:०७ प्रकाशित

  • Nabintech
  • १. कता हराए प्रहरीले पक्राउ गरेको २ ट्रक गोरु ?
  • २. नेपालगन्ज एयरपोर्टः बिमान स्थल कि बन्यजन्तु संरक्षण क्षेत्र ? दुई महिनामा तीन पल्ट जहाजमा बन्यजन्तु ठोक्किए
  • ३. नेपालगन्जमा “सूर्यवंशी” हेर्न दर्शकको ओइरो
  • ४. बर्दियाकी एकली थारु महिला वडाध्यक्ष
  • ५. बाघले फेरि लियो बर्दियामा एक जनाको ज्यान
  • ६. नेपालगन्जबाट गएको बस जाजरकोटमा दुर्घटना : ५ को मृत्यु, २७ जना घाइते
  • ७. आधा मुल्यमा धान बिक्री गर्न बाध्य किसान