नेपालगन्ज—अदालतबाट कैद तथा जरिवाना भई फरार रहेका ब्यक्तिहरुलाई पक्राउ गर्ने अभियान अन्तरगत बाँके प्रहरीले आईतबार बाल यौन दुरुपयोग मुद्दामा सजाय पाएका कोहलपुर नगरपालिका १ का आकाश सार्कीलगायत तीन जनालाई पक्राउ गरेको छ । उनलाई बाँके जिल्ला अदालतले ०७५ चैत्र २९ गते ६ महिना कैद सजाय गरेको हो । त्यस्तै चोरी मुद्दामा ११ दिन कैद र ढेढ लाख जरिवाना फैसला सुनाईका कोहलपुरं.११ का सुरज परियार पक्राउ परेका छन् । ब्राउनसुगर कारोबार गरेको आरोपमा जानकी गाउँपालिकां.३ नन्दनी मिल नजिक नास्ता पसल गरि वस्ने कैलाश गोडिया पनि पक्राउ परेका छन् । हालसम्म फरार मध्ये ४ सय ७८ जना पक्राउ गरिएको बाँके प्रहरी प्रमुख प्रहरी उपरीक्षक ओम रानाले बताए । उनका अनुसार अदालत बाट कैद तथा जरिवाना भएका ३ सय ८४, मुलतवी मुद्दाका ४१ र चालु मुद्दामा फरार रही पक्राउ संख्या ५३ जना रहेका छन् । प्रहरीले डुडुवा गाउँपालिका .१ का दिपककुमार चौधरी (वर्मा) लाई कुटवा पेस्तोलसहित पक्राउ गरी सार्वजनिक गरेको छ ।
२२ जेष्ठ २०८०, सोमबार । 2023/06/05
