सुर्खेत । पाँच बर्षीया बालिकालाई बलात्कार गरेको आरोपमा दैलेख प्रहरीले एक पुरुषलाई पक्राउ गरेको छ । प्रहरीले नारायण नगरपालिका–८, सिमडामा ५ वर्षीया बालिकालाई बलात्कार गरेको आरोपमा ३५ वर्षीय रामबहादुर बिकलाई पक्राउ गरेको हो ।
घरमा कोही नभएको अवस्थामा बालिकालाई जबरजस्ती करणी गरेको भन्ने सूचनाको आधारमा विकलाई शनिवार पक्राउ गरिएको दैलेख प्रहरीले जनाएको छ । अभियुक्तलाई दैलेख जिल्ला अदालतबाट म्याद थप गरी आवश्यक कार्वाहीका साथ अनुसन्धान शुरु गरिएको प्रहरीले जनाएको छ ।
१४ जेष्ठ २०८०, आईतवार । 2023/05/28
