अक्सिजन खर्च दिनमै डेढ लाख – Dastabej

अक्सिजन खर्च दिनमै डेढ लाख

संक्रमितको खानामा दैनिक ५० हजार रुपैयाँ खर्च


  • ठाकुरसिंह थारु

  • नेपालगन्ज — आइसोलेसनमा रहेका कोरोना संक्रमितलाई आवश्यक पर्ने अक्सिजनका लागि भेरी अस्पतालमा दैनिक डेढ लाख रुपैयाँ खर्च हुने गरेको छ । संक्रमितको खानामा दैनिक ५० हजार रुपैयाँ खर्च भइरहेको अस्पताल प्रशासनले जनाएको छ । यहाँ लुम्बिनी, कर्णाली र सुदूरपश्चिम प्रदेशका जटिल प्रकृतिका कोरोना संक्रमितलाई उपचारका लागि ल्याउने गरिन्छ । अस्पताल प्रमुख डा। प्रकाश थापाले प्रदेश सरकार र विभिन्न संघसंस्थासँग सहयोग मागेर दैनिक खर्च धानिरहेको बताए । ‘सबैभन्दा बढी अक्सिजनमा खर्च भइरहेको छ । त्यो खर्च घटाउन अक्सिजन प्लान्ट स्थापना गर्ने पहल थालेका छौं,’ उनले भने, ‘प्लान्ट स्थापना गर्न सक्ने हो भने खर्च धेरै घट्छ ।’ अस्पतालले अक्सिजन प्लान्ट स्थापना गर्न अर्थ मन्त्रालयमा बजेट माग गरेको छ ।
    ‘निर्माणमा प्लान्टको क्षमता हेरेर एक करोडदेखि १० करोड रुपैयाँसम्म लाग्न सक्छ,’ उनले भने, ‘हाम्रो प्रस्तावमा स्वास्थ्य मन्त्रालय सकारात्मक छ । बजेटका लागि अर्थ मन्त्रालयमा फाइल पुगिसकेको छ ।’उनका अनुसार अर्थबाट बजेट स्वीकृत भएलगत्तै प्लान्ट निर्माणका लागि टेन्डर खोलिनेछ तर टेन्डर प्रक्रिया झन्झटिलो र लामो समय लाग्ने गरेका कारण प्लान्ट निर्माणमा ढिलाइ हुन सक्ने देखिन्छ । चिकित्सकहरूले भने ‘फास्ट ट्र्याक’ बाट प्लान्ट निर्माण गर्न सुझाएका छन् । ‘ठेक्का प्रक्रियाबाट काम गर्ने हो भने प्लान्ट निर्माणको प्रक्रियामै चाररपाँच महिना लाग्न सक्छ । त्यसैले संकटका बेला छोटो र छिटो हुने गरी काम गर्नु उपयुक्त देखिन्छ,’ अस्पताल प्रमुख डा.थापाले भने । अस्पतालमा संक्रमितको उपचारका लागि डेढ सय शय्याको आइसोलेसन वार्ड छ । बाँकेमा हालसम्म कोरोना संक्रमणबाट ४८ जनाको मृत्यु भइसकेको छ । बाहिरी जिल्लाबाट उपचारका लागि नेपालगन्ज ल्याइएका मध्ये ८२ जनाको मृत्यु भएको जिल्ला कोभिड संकट व्यवस्थापन केन्द्रले जनाएको छ । ४ हजार ३ सय ४७ जना निको भएका छन् भने ८८ जना आइसोलेसनमा उपचाररत छन् ।

  • २८ पुष २०७७, मंगलवार १२:१० प्रकाशित

  • Nabintech
  • १. बांकेमा बाबुद्वारा आफ्नै छोराको धारिलो हतियार प्रयोग गरि हत्या
  • २. मानखोलाको जंगलबाट चरेस सहित ३ जना पक्राउ
  • ३. अस्पतालमा किन हुन्छ कोरोना विरामीको बढी मृत्यु ?
  • ४. लखेटीलखेटी आक्रमण,नर्सहरु एक तलाको झ्यालबाट हाम फाले
  • ५. कोहलपुरमा धाराबाट आफै बग्थ्यो पानी, चुरे विनासपछि सुक्यो धारा र खानेपानी
  • ६. आँखै अगाडि छटपटिएर मृत्यु भएको देख्दा रुन्छन् कोरानाका विरामी र कुरुवा
  • ७. बिद्रोह गर्दा कमैयामाथि जमिन्दारले बर्साउँथे गोली, खलियानमा गरिएको थियो महिलासहित ६ को हत्या
  • ८. बाँके, बर्दियाका कुन नदीमा कति बाढी ?
  • ९. बाँकेमा संक्रमण घट्यो, संक्रमण चेन टुटेन,फेरि संक्रमण फैलिने चिकित्सकहरुको चिन्ता
  • १०. गणतन्त्रको १३वर्षः कम्रेडहरुले बिर्से बलिदानी दिएको गाउँ