जन्म कैद सजाय पाएका दुई पक्राउ – Dastabej

जन्म कैद सजाय पाएका दुई पक्राउ

दिनदहाडै चेतन हत्या घटना


  • दस्तावेज


  • नेपालगन्ज— बाँके जिल्ला अदालतले पाँच वर्षअघि नेपालगन्जको धम्बोझी चोक नजिकै सुर्खेत रोडमा दिनदहादै भएको चेतन मानन्धर हत्या मुद्दामा जन्म कैद सजाय सुनाइएका फरार दुईजनालाई प्रहरीले पक्राउ गरेको छ । पक्राउ पर्नेमा नेपालगन्ज ५ का विवाद पाठक र हरी वली रहेका छन् । बाँके प्रहरी प्रमुख प्रहरी उपरीक्षक ओम रानाले उनीहरु नेपालगन्जमै लुकेर बसेको सूचनाका आधारमा पक्राउ गरिएको बताए । घटनामा संलग्न दुइृ जना अझै फरार छन् । घटनामा संलग्न ९ जना कारागारमा छन् । ०७२ असार २८ गते नेपालगन्जको मुख्य सडकमै २९ वर्षीय मानन्धरलाई गुण्डा नाईके रिगल ढकालको समूहले खुडा प्रहार गरी हत्या गरेको अभियोग प्रहरीले लगाएको थियो । तीन वर्षपछि जिल्ला अदालले मुद्दाको सुनुवाई गरेको हो । हत्यामा संलग्न छबिलाल बस्नेत, मोहनलाल खडका, नवराज खत्री र प्रेमध्वज खत्रीलाई जन्म कैद सुनाइएको थियो । त्यस्तै मोहन सिंह ढकाललाई १०, दिपेन्द्र मल्ललाई ५ वर्षको सजाय सुनाइको थियो । यमबहादुर बुढामगर, केशवबहादुर रोकाय हालसम्म फरार रहेको बाँके प्रहरी प्रमुख प्रहरी उपरीक्षक ओम रानाले बताए ।
    घटनामा संलग्न माधव नेपाली, विवाद पाठक र हरी वलीलाई जनही तीन÷तीन वर्ष कैदको थियो । मुद्दा चलाइएका १५ जना मध्ये दिपक केसीलाई निर्दोष करार दिंदै सफाई दिइएको थियो । कांग्रेस निकट तरुण दल क्षेत्र नम्बर ३ का अध्यक्षसमेत रहेका रिगल लामो समयदेखि गुण्डागर्दीमा संलग्न रहेको प्रहरीले जनाएको छ । लेनदेनको विषयलाई लिएर रिगल समूहले मनान्धरलाई नेपालगन्जको सुर्खेतरोडस्थित धम्बोझी नजिकै बोलाई खुडा प्रहार गरेका थिए । हात छिनालिएर घाईते भएको उनलाई उपचारका क्रममा काठमाडौं लैजादै गर्दा मृत्यु भएको थियो । घटनापछि रिगल फरार भएको थिए । त्यसको डेढ वर्षपछि उनले बा“के जिल्ला अदालतमा आत्मसर्मपण गरेका थिए । प्रहरी इकाउन्टरमा काठमाडौंका गुण्डा नाइके कुमार श्रेष्ठ (घैटे) मारिए लगत्तै उनले अदालतमा आफै हाजिर भएका थिए ।

  • २८ पुष २०७७, मंगलवार १६:१५ प्रकाशित

  • Nabintech
  • १. गैडाकोट दुर्घटनाः बर्दिया बाँसगढीका एक दम्पत्तीका श्रीमतिको मृत्यु, श्रीमान गम्भीर, यस्तो छ घाईतेको नाम र स्वास्थ्य अवस्था
  • २. कर्मचारीकै मिलोमतोमा नेपालगन्ज भन्सारमा राजस्व छलीः ७ हजार पर्ने समानको मुल्य १००, कारवाहीबाट जोगिन अर्थ मन्त्रालयसम्म दौडधुप
  • ३. नेपालगन्जस्थित ज्योति लाइफ इन्सुरेन्सका एरिया सेल्स म्यानेजर माझीले गरे ‘बलात्कार’को प्रयास, मुद्दा चल्यो अभद्र व्यवहार
  • ४. ”मृत शिशु साटिएको” भन्दै भेरी अस्पतालमा रातभरी विवाद, आज छलफल हुँदै
  • ५. बर्खामा किरननालाको किन भत्काइयो पुल ? गाडी चल्न बन्द, स्थानीयलाई सास्ती
  • ६. सावधान, बाँकेको पुर्बी गाभरमा मंगलबार पनि देखियो बाघ
  • ७. अब नेपालगन्जमा पनि डान्स बार र मसाज पार्लर