१२ वर्षपछि मैदानमा ओर्लिएका नेपालगन्जका ब्याडमिन्टन खेलाडी अनिल लाखेको जोडि १०औंं पुष्पलाल स्मृति राष्ट्रिय ब्याडमिन्टन प्रतियोगिताको फाइनलमा प्रवेश गरेको छ । सिराहाको गोल बजारमा शुक्रबार भएको भेट्रान्स डबलको सेमिफाइनलको खेलमा पाल्पाका बसन्तलाल बज्राचार्य र महेशमानको बज्राचार्यको जोडिलाई सोझो सेटमा पराजित गर्दै फाइनलमा प्रवेश गरेको छ । लाखे र सुवाश श्रेष्ठको जोडिले २१–१५, २१–१७ को सेटमा पराजित गरेको हो । प्रतियोगितामा देशभरबाट ३ सय जना खेलाडीको सहभागिता रहेको थियो ।
भेट्रान्स डबलमा उपाधि जित्ने खेलाडीले नगद २० हजार सहित ट्रफि र मेडल प्राप्त गर्नेछ भने उप विजेता हुने खेलाडीले रु. १० हजार र तृतीय हुने खेलाडीले रु. ५ हजार नगद प्राप्त गर्नेछन् ।
१४ जेष्ठ २०८०, आईतवार । 2023/05/28
