ँकाठमाडौंँँ—प्रधानमन्त्री केपी शर्मा ओलीले गरेको प्रतिनिधिसभा विघटनविरुद्ध सर्वोच्च अदालतमा परेका रिट निवेदनमा मंगलबार ब साढे ११ बजेबाट संवैधानिक इजलासमा सुनुवाई भइरहेको छ । ईजलासको नेतृत्व प्रधानन्यायाधीश चोलेन्द्रशम्शेर जबराले गरिरहेका छन् । ईजलासमा न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी सहभागि छन् । निवेदक सन्तोष भण्डारीले दर्ता गरेको रिटमाथि कानुन व्यवसायीले बहस गरिरहेका छन् ।बहसको सुरुवात अधिवक्ता शिवकुमार यादवले गर्दै प्रधानमन्त्रीको कदम असंवैधानिक भएको र प्रधानमन्त्रीले संसद्मा गएर विश्वासको मत लिनुपर्नेमा संविधानको धारा ७६ को उपधारा १ अनुसारको भनेर नमिल्दो तर्क गरिरहेको बताए । बहस सुनेपछि न्यायाधीश सपना प्रधान मल्लले हालको सरकार र प्रधानमन्त्री संविधानको धारा ७६ को उपधारा १ बमोजिम हो कि उपधारा २ बमोजिमको हो ? भनेर प्रश्न गरिन । यादवपछि अर्का अधिवक्ता शेरबहादुर ढुंगानालगायतले बहस गरिरहेका छन् । सुनुवाइमा सहभागी कानुन व्यवसायीले राष्ट्रिय र अन्तर्राष्ट्रिय अभ्यास तथा संविधानविपरीत भएको तर्क गरिरहेका छन् ।
२२ जेष्ठ २०८०, सोमबार । 2023/06/05
