नेपालगन्ज— बाँकेमा मोटरसाईकल चोरीका घटना बढे तर प्रहरीलाई खोज्न हम्मे पर्यो । कारण के थियो भने चोरीका मोटरसाईकल पहाडी जिल्लामा बिक्री हुने गरेको थियो । तर बाँके प्रहरीले त्यसको भण्डाफोर गर्न सफल भएको छ ।
प्रहरीले मोटरसाईकल गिरोह पक्राउ गर्न सफल भएपछि उक्त घटना बाहिर आएको हो ।
पक्राउ पर्नेमा बा“के खजुरा गाउ“पालिका ३ का रामबहादुर थापा, जुम्ला चन्दननाथ गाउ“पालिक ११ घर भै हाल नेपालगन्ज ४ वसपार्क बस्ने धिरेन्द्रबिक्रम शाही,दांग गढवा ४ का ईरसाद अहमद मुस्लमान, रोल्पा लुग्री १ का छबिलाल सुनार, रोल्पा लुग्री ५ का नवराज रोका क्षेत्री र नेपालगन्ज १० का रंजीत शर्मा रहेका छन् ।
मुसलमान र रंजित वर्कसपमा काम गर्दै आएको प्रहरीले जनाएको छ ।
उक्त समूहले भिडभाडमा राखिएको मोटरसाईकलको तार काटेर सिधै स्टाट गरेर चोरी गर्दै आएको खुलेको छ ।
उनीहरुले नेपालगन्ज लगायतका विभिन्न क्षेत्रबाट मोटरसाईकल चोरी गरी चेचिस नम्बर समेत परिवर्तन गरेर बिक्री गर्दै आएको प्रहरीले जनाएको छ । बा“के प्रहरी प्रमुख प्रहरी उपरीक्षक ओम रानाले मोटरसाईकल चोरीको घटना बढेपछि बिशेष टोली गठन गरी अनुसन्धान गर्दा गिरोह नै पक्राउ परेको जनाए । उनले उक्त गिरोहबाट ६ वटा मोटरसाईकल बरामद गरेको जनाए ।
