बर्दिया । बढैयाताल गाउँपालिकास्थित श्री नेपाल राष्टिय इन्दीरा भुसाल माध्यमिक बिद्यालयमा हात धुने शीप, बृहत यौनिकता शिक्षा तथा बालविवाह न्युनिकरण र सेन्टेरी प्याड बनाउने बिधि बारे तालिम दिइएको छ । प्लान इन्टर नेशनलको आर्थिक सहयोगमा गेरुवा ग्रामिण समाज केन्द्रले बिद्यालयका बालवालिकाहरुलाई हात धुने शिप सिकाइएको छ । केन्द्रकी सुपरभाईजर बिनिता घिमिरेले खानाखानु अघि र दिशापिसाब गरेपछि मिचिमिचि हात धुने बारे सिकाएकी थिईन ।
केन्द्रले शुक्रबार नै सेन्टेरी प्याड बनाउने बिधि बारे जानकारी दिइएको छ । त्यस्तै प्लानकै सहयोगमा बी ग्रुप नेपालगन्जले बृहत यौनिकता शिक्षा तथा बालविवाह न्युनिकरण बारे हाजिरी जवाफ प्रतियोगिता गरिएको छ ।
प्रतियोगितामा बी समूह पहिलो, ए समूह दोस्रो, सी समूह तेस्रो र डी समूह चौथो भए । भएका छन् । तालिमको समापन गर्दै प्रधानाध्यापक गंगा चौधरीले बालवालिकाहरुलाई जीवन उपयोगी शीपहरु सिकेको जनाइन । संघसंस्थाहरुले यसैगरी बिद्यालयलाई सहयोग गर्दै जाने बिश्वास व्यक्त गरिन ।
