कोरोनाले थप एकको मृत्यु, उपचारका लागि बाहिर जिल्लाबाट बाँके आएका मृतु हुनेको संख्या९३ पुग्यो

नेपालगन्ज — कोरोनाको संक्रमणका कारण कर्णाली प्रदेश सुर्खेत गुर्भाकोटका ३१ वर्षीय पुरुषको शुक्रबार बिहान साढे ७ बजे मृत्यु भएको छ । जिल्ला कोभिड–१९ संकट व्यवस्थापन केन्द्र बाँकेका अनुसार साताअघि भारतबाट आएका उनको नेपालगन्जस्थित भेरी अस्पतालमा उपचारका क्रममा मृत्यु भएको हो । स्वास्थ्यमा समस्या देखिएपछि चैत ३१ गते नेपालगन्ज मेडिकल कलेज लगिएको थियो । त्यहाँ पीसीआर जाँच गर्दा पोजिटिभ देखिएपछि भेरी अस्पतालमा भर्ना गरिएको थियो । अस्पतालका अनुसार ती पुरुषलाई कुनै दीर्घरोग थिएन । बाँकेमा हालसम्म बाहिरी जिल्लाबाट उपचारका लागि ल्याइएका ९३ जनाको मृत्यु भइसकेको छ । यसैबीच, नेपालगन्ज मेडिकल कलेजमा ४५ जनाको पीसीआरपरीक्षण गर्दा रिर्पोट पोजेटीभ देखिएको छ ।