लकडाउन उल्लंघनः १ महीनासम्म कैद वा रु, १०० सम्म जरिबाना वा दुवै सजाय – Dastabej

लकडाउन उल्लंघनः १ महीनासम्म कैद वा रु, १०० सम्म जरिबाना वा दुवै सजाय

लामो दुरीका सवारी चल्ने, अतिआवश्यक सेवा खुल्ने


  • दस्तावेज

  • नेपालगन्ज । गर्मींसंगै नेपालगन्जमा कोरोना संक्रमणको पारो उक्लिन थालेको भन्दै स्थानीय प्रशासनले बिहिबार मध्यरातिदेखि गर्न थालेको लकडाउनमा के गर्ने नगर्न पाउने बारे सर्वसाधारणहरुले चासो राखेका छन् । स्थानीय प्रशासनले नेपालगन्ज क्षेत्रमा मात्रै एक साता लकडाउन गर्ने निर्णय गरे पनि बाँकेभरी लकडाउनको हल्ला गरिएको छ । प्रशासनले भने बिज्ञप्ती जारी गरी नेपालगन्ज क्षेत्र मात्रै तोकेको जनाएको छ । जिल्ला कोभिड–१९ संकट व्यवस्थापन केन्द्र डिसिसिएमसी बाँकेको सिफारिसमा बाँके प्रशासनले बैशाख ८ गते राति १२ बजेदेखि लागू हुने लकडाउन गर्दै छ ।

    संक्रामक रोग ऐन, २०२० अनुसार लकडाउन उल्लंघन गरेमा यस ऐन अन्तर्गत दिइएको आदेशलाई अपहेलना गर्ने व्यक्ति उपर १ महीनासम्म कैद वा रु, १००।– सम्म जरिबाना वा दुवै सजाय हुनेछ । यो ऐन अन्तर्गत अधिकृत व्यक्तिहरूलाई काममा बाधा पुयाउनेलाई ६ महीनासम्म कैद वा रु। ६००।सम्म जरिबाना वा दुवै सजाय हुने कानुनी ब्यवस्था छ । उक्त कसूरको मुद्दामा कारवाई र किनारा गर्ने अधिकार प्रमुख जिल्ला अधिकारीलाई हुनेछ ।
    लकडाउन अवधिभर यातायातका साधन, पसल, कलकारखाना, शैक्षिक संस्था सवै बन्द हुनुका साथै हिड्डुल समेत निषेध गरिएको प्रमुख जिल्ला अधिकारी शिवराम गेलालले बताए । तर नेपालगन्जबाहेकका लामो सवारी साधनहरु भने चल्ने छ ।स्वास्थ्य, शान्ति सुरक्षा, दूर संचार, खानेपानी, फोहरमैला ब्यवस्थापन, पेट्रोलियम पदार्थ, तरकारी, खाद्यन्न तथा दुग्ध पदार्थ, औषधि पसल, बैँकको एटिएम जस्ता अत्यावश्यक सेवाहरु खुल्ला रहने छ ।

  • ८ बैशाख २०७८, बुधबार १६:३२ प्रकाशित

  • Nabintech
  • १. मृत भेटिएकी छात्राको मोबाईलमा प्रिन्सपलको एसएमएस, बिद्यालयमा ढुंगामुढा, प्रिन्सपल पक्राउ
  • २. न्याय खोज्दै नेपालगन्जबाट २० दिन हिँडेर काठमाडौं पुगे बाँकेका महिला
  • ३. दिप ज्योतीका प्रिन्सपल पाण्डेबिरुद्ध आत्मा हत्या दुरुत्साहन मुद्दा दर्ता
  • ४. छात्रा ऐलिसा मृत्यु प्रकरणः प्रिन्सपललाई कारवाहीको माग गर्दै बिद्यालय घेराउ (भिडियो)
  • ५. नेपाल भारत प्रमुख नाका खोल्ने सरकारी निर्णयः तर खुलेन नेपालगन्ज नाका
  • ६.  बाघको आक्रमणले आँखा गुमाएका बर्दियाका भदैलाई हलिउड अभिनेता लियोनाद्रो  डिक्याप्रियोको चस्मा
  • ७. २० दिन हिडेर काठमाडौं पुगेकी रुबीलाई २४ घण्टाभित्र उपस्थित गराउन प्रहरीलाई सर्वोच्चको आदेश