बाँकेको कटकुईयामा आगलागी, एक दर्जन घर जले

नेपालगन्ज । बाँकेको विकट नरैनापुर गाउँपालिका १ कटकुईया गाउँमा आगलागी हुँदा करिव एक दर्जन घर जलेर नष्ट भएको छ । शुक्रबार बिहान करिव साढे ११ वजेतिर आगलागी भएको हो । आगलागी कसरी भयो भन्ने यकिन सूचना नभए पनि एक स्थानीयको गोठबाट आगलागी भएको वडाध्यक्ष मोल्हे बेहना शेषले दास्ताबेजलाई जानकारी गराए । उनका अनुसार दमकल, स्थानीय प्रहरी र स्थानीयहरुको सहयोगमा आगलागी नियन्त्रणमा आइसकेको छ । बाँके प्रहरी प्रमुख प्रहरी उपरीक्षक ओम रानाले घटनाको अनुसन्धान भइरहेको जनाए । उनले आगलागीबाट भएको क्षतिको विवरण संकmन गरिरहेको बताए ।