नेपालगन्ज । कोरोना भाइरसको लडाईका क्रममा बाँकेमा शुभ समाचार पनि सुनिए । चिकित्सक, स्वास्थ्यकर्मीहरु मात्रै होईन सर्वसाधारणहरु पनि कोरोनो लगाईमा जुटेका छन् । व्यक्तिगत सहयोग दिन पनि सर्वसाधारण तयार छन् ।
१) २० रुपैयाँमा एक छाक खाना । कोरोनाको महामारी फैलिदै गएका बेला नेपालगन्जस्थित भेरी अस्पताल परिसरमा २० रुपैयाँमा पेटभरी खानाको व्यवस्था मिलाइएको छ । विपन्नलाई लक्षित गरी निकै सस्तोमा खानाको व्यवस्था मिलाइएको हो । हाल दैनिक तीन सय जना खाना खाइरहेका छन् । सुन्दरकाण्ड मित्र मण्डल नेपालगन्जका संरक्षक तथा खाना व्यवस्थापन समितिका संयोजक विजय गुप्ताले कोरोनाका कारण सर्वसाधारणहरु आर्थिक संकटबाट गुज्रिरहेकाले २० रुपैयाँमा पेटभरी खाना अभियान सुरु गरेका थिए । पछिल्लो पल्ट अञ्जनी माता रसोईले अस्पतालमा उपचाररत विपन्न विरामी र कुरुवाहरुलाई २० रुपैयायाँमा प्रति छाक विहानको खाना खुवाईरहेको छ ।
२) बाँकेको डुडुवा ६ स्थित सरस्वती माविकी शिक्षिका ४९ वर्षीया माधवी साहलाई संक्रमितको उपचारका लागि प्लाज्मा जुटाउने गरेकी छन् । संक्रमितका आफन्तले उनलाई फोन गर्छन् ।
३) संक्रमित भएर पनि उपचार गर्दै स्वास्थ्यकर्मी । भेरी अस्पताल नेपालगन्ज र शिक्षण अस्पताल नेपालगन्जका चिकित्सक र स्वास्थ्यकर्मीहरु कोरोना संक्रमित भएर पनि संक्रमिततहरुको सेवामा खटिएका छन् । भेरी अस्पतालका मात्रै ८० चिकित्सक र स्वास्थ्यकर्मीहरु संक्रमित भएका छन् ।
४) अक्सिजन खरिदका लागि व्यक्तिगत सहयोग । अक्सिजन अभाव भएपछि जनप्रतिनिधि र सर्वसाधारणहरुले व्यक्तिगतरुपमा गच्छे अनुसारको आर्थिक सहयोग गरिरहेका छन् ।
५)भेरी असप्तालमा लिक्विड अक्सिजन ट्यांक जडान भएको छ । अक्सिजन अभावमा संक्रमितहरुको ज्यान जान थालेप िलिक्विड अक्सिजन जडान गरिएको हो । आईतबार अ स्पताल परिसरमा ग्याँसको ट्याक जडान भएको हो ।
६) विरामी नफर्काउने अस्पताल । भेरी अस्पताल नेपालग्नजका कोरोना वार्ड भरिएपनि विरामी भर्ना लिने क्रम रोकेको छैन । उसले अस्पताल परिसरमा पाल टाँगेर पनि उपचारको व्यवस्था मिलाएको छ ।
७)कोरोको महामारी फैलिएसंगै होम आइसोलेसनमा बस्ने विरामीहरुको संख्या बढेको छ । विरामीहरुलाई हौसला र स्वास्थ्य परामर्श दिन जनप्रतिनिधिहरु चिकित्सकसहति घरघरमै पुगेका छन् । यसले विरामीहरुको मनोबल बढाएको छ ।
