नेपालगन्ज — बाँकेमा उपचारका लागि भर्ना भएका संक्रमित १५ जनाको मृत्यु भएको छ । मंगलबार बेलुकीदेखि १२ घण्टा भित्र उनीहरुको मृत्य भएको हो । जिल्ला कोभिड–१९ संकट व्यवस्थापन केन्द्रका अनुार मंगलबार राति साढे ८ बजेदेखि बिहान साढे ६ बजेसम्म बाँकेका सात जना र बाहिरी जिल्लाका आठ जनाको मृत्यु भएको हो । ७ जनाको शिक्षण अस्पताद कोहलपुरमा र ८जनाको भेरी अस्पताल नेपालगन्जमा मृत्यु भएको छ। कोहलपुरमा बेलुकी साढे ८ बजे रुकुम पश्चिमको सानोभेरी नगरपालिका ११ का ३६ वर्षीय पुरुष मृत्यु भएको छ । त्यस्तै कोहलपुर नगरपालिक –१२ का ४१ वर्षीय पुरुष र कोहलपुर नगरपालिका–४ का ४२ वर्षीय पुरुषको कोहलपुरमा मृत्यु भएको छ ।
बर्दिया बढैयाताल गाउँपालिका २ का ८४ वर्षीय पुरुष, नेपालगन्ज उपमहानगरपालिका६ का ४५ वर्षीय पुरुषको भेरी अस्पतालमा मृत्यु भएको हो ।राप्तीसोनारी गाउँपालिका–२ की ५९ वर्षीया महिला, भेरीमै कैलालीको टीकापुर नगरपालिका–११ की ५८ वर्षीया महिला, कोहलपुर नगरपालिका–११ की ५८ वर्षीया महिला, नेपालगन्ज उपमहानगरपालिका–३ का ६१ वर्षीय पुरुष, रुकुम–पश्चिमको त्रिवेणी गाउँपालिका–१ की २७ वर्षीया महिलाकोको मृत्यु भएको छ ।
नेपालगन्ज–४ का ६७ वर्षीय पुरुष, बर्दिया ठाकुरबाबा नगरपालिका–९ का ६३ वर्षीय पुरुष, बर्दियाको ठाकुरबाबा नगरपालिका–१ का ३८ वर्षीया महिला, दाङको तुलसीपुर उपमहानगरपालिका–२ का ६५ वर्षीय पुरुष, कैलालीको लम्कीचुहा नगरपालिका–५ की ६८ वर्षीया महिलाको भेरीमा मृत्यु भएको छ ।
