नेपालगन्ज । अभियान नेपालमा आवद्ध अभियानकर्ताहरुल निषेधाज्ञाका समयमा हिंसापीडित विपन्न महिला, अभिभावक बिहिन बालवालिका र सहाराबिहिन ज्येष्ठ नागरिकहरुलाई छाक कटाएर राहत वितरण कार्यलाई निरन्तरता दिएका छन् ।
अभियान नेपालका अध्यक्ष कमला पन्थका अनुसार लामो समयदेखिको निषेधाज्ञाले विपन्नलाई खाद्यन्नको संकट हुन थालेपछि राहत वितरण गरिएको हो । उनले २५किलो चामल, ५किलो पिठो,१किलो मसुर दाल ,१ किलो अढर दाल,१ लिटर तेल, डेढ किलो सोयाबिन,
१ नुहाउने साबुन, १ लुगा धुने साबुन, १पाउ रातो खुर्सानी, १पाउ बेसर,१ किलो चिनी,१ पाउ चिय पत्ती,१ प्यकेट सेनेटरी प्याड, २५५ पिस सर्जिकल मास्क विरतण गरिएको हो ।
एक जनालाई २ हजार ५ सय दरको राहत प्याकेज बनाइएको छ । राहतका वितरणका लागि अभियान नेपालमा लागेका अभियानकर्ताहरुले आफै व्यक्तिगतरुपमा रकम जुटाउने गरेका छन् । हालसम्म ९४ हिंसापीडित विपन्न, सहाराबिहिन ज्येष्ठ नागरिक र बालवालिकालाई राहत दिइएको छ ।
