निषेधाज्ञा बढ्दै,उल्लंघन बढ्दै (भिडियोसहित) - Dastabej

निषेधाज्ञा बढ्दै,उल्लंघन बढ्दै (भिडियोसहित)

पसलहरु बन्द देखिन्छ। तर सडकमा हिडडुल गर्नेहरुको संख्या अधिक छ ।


  • दस्तावेज

  • नेपालगन्ज । बाँकेमा एक महिनादेखि जारी निषेधाज्ञा सोमबारबाट फेरि एक साताका लागि लम्बाइएको छ । निषेधाज्ञाको समय बढेसंगै सडकमा आउजाउ गर्नेको भिड पनि बढ्दै गएको छ । उल्लंघनकर्ता बढेका छन् । बजारका पसलहरु बन्द भएका देखिन्छन् । तर सडकमा हिडडुल गर्नेहरुको संख्या अधिक छ । भिड देख्दा निषेधाज्ञाजस्तो अनुभुती नहुने अगुवाहरु बताउँछन् । निषेधाज्ञाका सयममा बजारभरी ईरिक्सा, अटो, मोटरसाईल, स्कुटी र कारहरु चलेको देख्न सकिन्छ । स्थानीय प्रशासनले निषेधाज्ञाका बेल भिडभाड नगर्न, अतिआवश्यक एम्बुलेन्स, पानी, खाद्यन्नका गाडीहरु सन्चालन गर्न दिने भनिए सडकभरी निजी सवारी साधनहरु कुदिरहेका छन् । प्रशासनले निषेधाज्ञा कार्यान्वयन गराउन नेपाली सेना, सशस्त्र प्रहरी र नेपाल प्रहरी तैनाथ गरिएका छन् । तर स्थानीयहरु भने अटेर गर्दै आएका छन् । बाँकेका प्रमुख जिल्ला अधिकारी शिवराम गेलालले स्थानीयहरुबाट अटेर गरिएका कारण निषेधाज्ञा पूर्णरुपमा कार्यान्वयन हुननसकेको बताउँछन् । तर निषेधाले बजारमा भिडभाड कम भएको उनले बताए । निषेधाज्ञा जारी गरिए पनि बाँकेमा कोरोनाको संक्रमण नियन्त्रण हुँदै गएको चिकित्सकहरु बताउँछन् । उनीहरुका अनुसार निषेधाज्ञा नलगाएको भए बाँकेमा कोरोनाको संक्रमण थप भयाभव हुने थियो ।
    बाँकेमा जारी निषेधाज्ञा जेष्ठ १७ गतेसम्म लम्बिने भएको छ । जिल्ला प्रशासन कार्यालय बाँकेले कोरोना भाइरसको जोखिम कायमै रहेकाले निषेधाज्ञा थप एक हप्ता लम्ब्याउने निर्णय गरेको हो । आइतवार बसेको डिसिएमसीको बैठकले निषेधाज्ञालाई निरन्तरता दिन सिफारिस गरेको छ।कोरोना भाइरस संक्रमण त्रिब रुपमा फैलिएपछि बाँके प्रशासनले यसको रोकथाम र नियन्त्रणका लागि गएको १३ गतेदेखि बाँकेमा एकहप्ताका लागि निषेधाज्ञा जारी गरेको थियो । त्यसपछि हप्ता हप्ता दिन थप गर्दै जेष्ठ दश गतेसम्म पुर्याइएको हो ।

  • १० जेष्ठ २०७८, सोमबार १५:३७ प्रकाशित

  • Nabintech
  • १. २ लाख ऋणमा नेपालगन्जको करोडौंको जग्गा हड्प्ने गिरोह थुनामा
  • २. चुनावको मुखमा बाँकेमा मन्त्री ईस्तियाक र स्वकीय सचिव शम्सुलबीच टकराव, दुबैको नाम सिफारीस
  • ३. गुलरिया ८ मा आँगनमा खेलिरहेको १९ महिने बालकलाई चितुवाले झम्ट्यो, बर्दियामा तीन दिनदेखि लगातर आक्रमण
  • ४. बर्दिया मधुवनमा फेरि बाघले लियो एक जनाको ज्यान
  • ५. दैलेखको प्रजिअबाट सरुवा भएर फेरि बाँके आए हरी प्याकुरेल
  • ६. ‘रेशम चौधरी बर्दिया निर्वाचन न. २ बाट उम्मेदवारी दिने पक्का’
  • ७. बाँकेमा मजदुरीको ज्याला बढ्यो