बाँकेमा कोरोना संक्रमण ओरालो लाग्दै – Dastabej

बाँकेमा कोरोना संक्रमण ओरालो लाग्दै


  • दस्तावेज

  • बाँके— कोरोना भाइरस संक्रमणको केन्द्र बनेको बाँकेमा संक्रमण दर घटेको छ । दैनिक संक्रमण हुनेको संख्यामा कमी आएपछि अस्पतालमा बिरामीको चाप घटेको छ । दोस्रो लहर सुरु भएको दुई महिनामा अकासिएको संक्रमितको संख्या ओरालो लाग्दै गएको जिल्ला कोभिड व्यवस्थापन समितिले जनाएको छ । समितिको तथ्यांकअनुसार जेठ महिनाको दोस्रो सातायता ३० प्रतिशतले संक्रमण दर घटेको छ । बुधबारमात्रै ३ सय १० जनाको पीसीआर जाँच गर्दा ९३ जनामा संक्रमण पुष्टि भएको छ । जाँच गरिएकामध्ये ३० प्रतिशत मात्रै संक्रमित भएका हुन् ।
    संक्रमितको संख्या घट्ने क्रम बाँकेमा जारी छ । १० दिनअघि १ हजार ४७ जनाको पीसीआर जाँच गर्दा ५ सय ५९ जना संक्रमित भएका थिए । ५३।३९ प्रतिशत संक्रमित थिए । पछिल्लो समय लक्षणसहितका बिरामीको संख्या घटेकाले पीसीआर जाँच गराउने पनि कम हुन थालेका छन् । पछिल्लो दुई सातायता समुदायस्तरमै संक्रमितको संख्या घट्दै गएको नेपालगन्ज उपमहानगरपालिकाकी उपप्रमुख उमा थापाले बताइन् । उनका अनुसार पहिले दैनिक ८० प्रतिशतको हाराहारीमा संक्रमित देखा पर्थे । अहिले त्यो संख्यामा धेरै नै कमी आएपछि एक दिन बिराएर पीसीआर लिने गरिएको उनले बताइन् । अहिले ३०।३५ जनाको पीसीआर परीक्षण गरिँदा एकदुई जना मात्रै संक्रमित भएको पाइएको छ । यस हिसाबले समुदायस्तरमा संक्रमण नियन्त्रणमा आएको उनको अनुमान छ ।
    भेरी अस्पतालका वरिष्ठ फिजिसियन डा.राजन पाण्डेले तुलनात्मक रूपमा संक्रमितको संख्या घट्दै गए पनि पूरै नियन्त्रण आएको भनेर आश्वस्त हुन नमिल्ने बताए । पूरै नियन्त्रण हुन अस्पतालमा ओपीडीका बिरामीसमेतलाई उपचार गर्न सकिने, बिरामीको कन्ट्याक्ट ट्रेसिङ दायरा बढाउनुपर्ने, लक्षण देखिएका सबै कोभिड बिरामीलाई सहज उपचार दिन सक्ने अवस्था भएपछि मात्रै सम्भव हुने उनले सुनाए । ईकान्तिपुरबाट

  • २० जेष्ठ २०७८, बिहीबार १०:४८ प्रकाशित

  • Nabintech
  • १. गैडाकोट दुर्घटनाः बर्दिया बाँसगढीका एक दम्पत्तीका श्रीमतिको मृत्यु, श्रीमान गम्भीर, यस्तो छ घाईतेको नाम र स्वास्थ्य अवस्था
  • २. कर्मचारीकै मिलोमतोमा नेपालगन्ज भन्सारमा राजस्व छलीः ७ हजार पर्ने समानको मुल्य १००, कारवाहीबाट जोगिन अर्थ मन्त्रालयसम्म दौडधुप
  • ३. नेपालगन्जस्थित ज्योति लाइफ इन्सुरेन्सका एरिया सेल्स म्यानेजर माझीले गरे ‘बलात्कार’को प्रयास, मुद्दा चल्यो अभद्र व्यवहार
  • ४. ”मृत शिशु साटिएको” भन्दै भेरी अस्पतालमा रातभरी विवाद, आज छलफल हुँदै
  • ५. बर्खामा किरननालाको किन भत्काइयो पुल ? गाडी चल्न बन्द, स्थानीयलाई सास्ती
  • ६. सावधान, बाँकेको पुर्बी गाभरमा मंगलबार पनि देखियो बाघ
  • ७. अब नेपालगन्जमा पनि डान्स बार र मसाज पार्लर