कोरिनयनपुरको प्रवेशद्धारमा भ्वाँङ, स्थानीयले गाडे हाँगा – Dastabej

कोरिनयनपुरको प्रवेशद्धारमा भ्वाँङ, स्थानीयले गाडे हाँगा

भ्वाँङ नदेखिदा मोटरसाईलक लगायतका सवारी साधन दुर्घटना


  • सुनिल रेग्मी

  • नेपालगन्ज । नेपालगन्ज उपमहानगरपालिका १२ कोरिनयनपुरको प्रवेशद्धारमा भ्वाँङ परेको छ । सवारी साधनहरु दुर्घटना हुनसक्ने भन्दै स्थानीयले भ्वाँङमा रुखको हाँगा गाडेर सवारी चालकहरुलाई सचेत हुन संकेत गरेका छन् । नेपालगन्ज उपमहानरको कार्यालयदेखि मुश्किलले दुई सय मिटर दक्षिणतर्फ कोरियनपुर जाने सडकमा भ्वाँङ परेको हो । स्थानीयका अनुसार रातीका समयमा भ्वाँङ नदेखिदा मोटरसाईलक लगायतका सवारी साधन दुर्घटना हुन थालेको छ । सडकमा ठूलै भ्वाँङ परेपछि कोरियनपुर क्षेत्रमा चार पाँग्रे गाडीहरु बैकल्पिक सडक भएर आउजाउ गरिरहेको छ । उक्त सडक निकै चल्तीको हो । भेरी प्राविधिक शिक्षालयलाई जोड्ने उक्त सडकमा लामो समयदेखि भ्वाँङ परेको थियो । तर समयमै मर्मतसम्हार नगरिदा आउजाउ रोकिने गरी सडक बिग्रिएको हो ।


    स्थानीय प्रदिप कोरीले मुल सडकमा भ्वाँङ परेपछि रिक्सासमेत आउजाउ गर्न नसकेको बताए । उनले तत्काल आउजाउ गर्नका लागि सडक मर्मत गर्न आग्रह गरे । नेपालगन्ज उपमहानगरपालिका १२ का वडाध्यक्ष बुद्धिसागर सुवेदीले भ्वाँङ परेपछि आउजाउमा समस्या भएपछि नगरपालिका र सडक डिभिजन कार्यालयसंग मर्मतका लागि समन्वय गरिरहेको दाबी गरे । उनले केही दिनमै सडक मर्मत हुने आश्वासन दिएका छन् । उक्त सडक एसियाली विकास बैंक (एडीबी) को आर्थिक सहयोगमा निमार्ण गरिएको हो ।

  • १ असार २०७८, मंगलवार १४:२९ प्रकाशित

  • Nabintech
  • १. कता हराए प्रहरीले पक्राउ गरेको २ ट्रक गोरु ?
  • २. नेपालगन्ज एयरपोर्टः बिमान स्थल कि बन्यजन्तु संरक्षण क्षेत्र ? दुई महिनामा तीन पल्ट जहाजमा बन्यजन्तु ठोक्किए
  • ३. नेपालगन्जमा “सूर्यवंशी” हेर्न दर्शकको ओइरो
  • ४. बर्दियाकी एकली थारु महिला वडाध्यक्ष
  • ५. बाघले फेरि लियो बर्दियामा एक जनाको ज्यान
  • ६. नेपालगन्जबाट गएको बस जाजरकोटमा दुर्घटना : ५ को मृत्यु, २७ जना घाइते
  • ७. आधा मुल्यमा धान बिक्री गर्न बाध्य किसान