बर्दिया। जिल्लाको सबैभन्दा पुरानो नगरपालिका हो गुलिरया । यो जिल्लाको सदरमुकाम पनि हो । तर विकासका निकै पछि परेको नगरपालिकाजस्तै वडा न. १ का सडक कच्ची थिए । नक्सामा भएका सडक व्यवहारमा थिएन । तर उक्त वडाको अध्यक्षका रुपमा स्थानीय युवा प्रताप गौतम निर्वाचित भएपछि त्यहाँको अवस्था फेरिन थालेको छ । कच्ची सडकमा ग्रायभल भएको छ । नक्सामा सिमित रहेका सडक निकालिएका छन् । भन्छन्, यो वर्ष सडक ग्रायभल गरियो । अर्को वर्ष सडक पक्की गरिने छन् । चालु आर्थिक वर्षमा उक्त वडामा दुई किलो मिटर सडक कालोपत्रे गरिएको उनले बताए ।
त्यस्तै स्थानीय त्रीशक्ति बिद्यालयलाई निमाबिबाट माबि उनकै पहलमा सम्भव भएको छ । उक्त बिद्यालयमा कम्प्युटरहरु व्यवस्थापन गरिएका छन् । खैरापुरस्थित स्वास्थ्य चौकीमा ल्याबसमेत थिएन । उनले ल्याब ल्याएपछि स्थानीयहरु जन्दीश, सुगर लगायतका परीक्षण सम्भव हुन थालेको छ । सानोतिनो परीक्षणका लागि यहाँ जनतालाई बाहिर जानु पर्दैन, वडाध्यक्ष गौतमले भने । उनले धार्मिक स्थलहरुको विकासका लागि गुरु योजना तयार पारेका छन् । पर्यटकीय क्षेत्रको विकासका लागि उनी बढी जोड दिएका छन् ।गाउँमा विकास हुन थालेपछि स्थानीयहरु खुसी जनाएका छन् ।
