चितवन — चितवन राष्ट्रिय निकुञ्जमा दुईवटा गैंडा मृत फेला परेका छन् । आइतबार निकुन्जको फरकफरक स्थानमा एउटा बच्चा र अर्को करीव ३० वर्षको भाले गैंडा मृत अवस्थामा भेटिएको हो । निकुञ्जका सहायक संरक्षण अधिकृत लोकेन्द्र अधिकारीले बच्चा गैंडालाई बाघले आक्रमण गरेर मारेको जनाएका छन् । दुई महिनाको भाले गैंडाको बच्चा निकुञ्ज मुख्यालय कसरा नजिक जंगलमा मृत भेटिएको छ । उक्त निकुन्जमा गएको आर्थिक वर्षमा ३२ वटा गैंडाको मृत्यु भएको छ । ति मध्ये चारवटा गैंडा तस्करहरुले मारेको निकुन्जले जनाएको छ । नेपालमा रहेका ७५२ गैंडामध्ये चितवनमा मात्रै ६९४ वटा छन् ।
१४ जेष्ठ २०८०, आईतवार । 2023/05/28
